Amazon ka bërë të ditur se po e përdor teknologjinë më të fundit të inteligjencës artificiale për të zbuluar kritikat e rreme dhe për t’i identifikuar komentet, të cilat nuk janë të vërteta.
Gjigandi i teknologjisë është përballur me “agjentët” e vlerësimeve të rreme, të cilët janë problem i madh për faqen e tij të blerjeve.
Amazon ka investuar në modelet e “machine learning”, të cilat analizojnë mijëra pika të të dhënave dhe e ndihmojnë kompaninë të detektojë sjellje jo të zakonshme, raporton BBC.
Agjentët e vlerësimeve të rreme përdorin platforma të palëve të treta, duke përfshirë rrjetet sociale dhe shërbimet e mesazheve të koduara, për të blerë, shitur dhe të bëjnë kritika të rreme.
Vlerësimet e rreme mund t’i shtyjnë klientët të marrin vendime për blerjen, për shembull të një laptopi ose një lodre për fëmijë, bazuar në atë që ata besojnë se janë reagime të vërteta nga blerësit e tjerë, kur në realitet dikush është paguar për të shkruar një koment për të rritur vlerësimet e një shitësi ose për të minuar një firmë rivale.
Ato nuk janë gjithmonë të lehta për t’u dalluar, megjithëse informacioni i përgjithshëm ose një përqindje shumë e lartë e vlerësimeve me pesë yje mund të jetë një ndihmesë në zbulimin e tyre.
Në vitin 2022, Amazon zbuloi mbi 23,000 grupe të rrjeteve sociale, me mbi 46 milionë anëtarë dhe ndjekës, të cilët shkruanin vlerësime të rreme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
