Përshkrim
Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.
Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.
Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.
Marjana Koçeku, duke hapur kullën e babait në Dukagjin për turistët, shpalos potencialin e agroturizmit në vendin tonë. Historitë e shumë personave të tjerë që po zhvillojnë biznese inovative dhe krijojnë marka të suksesshme gjithashtu gjejnë vend në këtë numër.
Revista e Personazheve gjithashtu përmban përmbledhje të ngjarjeve kryesore të kësaj vjeshte, duke përfshirë evente të rëndësishme si Future2Tech dhe AllWeb.
Në fund të revistës, do të gjeni analiza dhe parashikime për risitë dhe trendet e pritshme në vitin e ardhshëm, me një fokus të veçantë në fushën e teknologjisë. Këshillat dhe motivimin për rritje në karrierë dhe biznes i gjeni në artikujt e sjellë nga trajnerë dhe coach shqiptarë.
Ju ftojmë të abonoheni online ose të porosisni kopjen print të revistës tonë, e cila është në dispozicion në treg. Mos harroni të eksploroni më shumë dhe të zbuloni historitë e suksesit që po ndodhin në vendin tonë dhe përtej kufijve.
Ju falenderojmë për mbështetjen tuaj të vazhdueshme!
