Meta ka lançuar aplikacionin e saj Threads, dhe shefi ekzekutiv Mark Zuckerberg ka thënë se ky aplikacion i sapo lëshuar synon të tejkalojë Twitter-in.
Ekspertët thonë se Threads mund të tërheqë përdoruesit e Twitter-it të cilët mund të jenë të pakënaqur me ndryshimet e fundit në platformë.
Threads – që për momentin nuk po lansohet tani në Bashkimin Evropian – i lejon përdoruesit të postojnë deri në 500 karaktere dhe ka shumë veçori të ngjashme me Twitter.
Në aplikacion u regjistruan mbi 10 milionë njerëz në shtatë orët e para, tha Zuckerberg.
Lexo edhe:Instagram dhe Messenger pritet t’u japin prindërve më shumë kontroll
Më herët, ai tha se mbajtja e platformës “miqësore… do të jetë përfundimisht çelësi i suksesit të saj”.
Por shefi i Twitter-it, Elon Musk u përgjigj: “Është pafundësisht e preferueshme të sulmohesh nga të huajt në Twitter, se sa të kënaqesh me lumturinë e rreme të Instagramit të fshehtë”.
Kur u pyet në nëse aplikacioni Threads do të jetë “më i madh se Twitter”, Zuckerberg tha: “Do të duhet pak kohë, por mendoj se duhet të ketë një aplikacion për biseda publike me mbi 1 miliard njerëz në të.
“Twitter ka pasur mundësinë për ta bërë këtë, por nuk e ka arritur. Shpresojmë se do ta bëjmë”.
Konkurrentët kanë kritikuar sasinë e të dhënave që aplikacioni mund të përdorë. Kjo mund të përfshijë të dhëna shëndetësore, financiare dhe të shfletimit të lidhura me identitetin e përdoruesve, sipas Apple App Store.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
