Tesla po kërkon sërish t’i japë shefit Elon Musk marrëveshjen më të madhe të pagave në historinë e korporatave amerikane, me vlerë 56 miliardë dollarë, shkruan BBC.Kompania e automjeteve elektrike (EV) po u kërkon aksionarëve të votojnë për pagën rekorde të CEO-t të saj, të vendosur për vitin 2018. Megjithatë, marrëveshja u refuzua në janar nga një gjykatës amerikan i cili e përshkroi atë si “një shumë të pamatur”.
Kjo vjen vetëm disa ditë pasi Musk njoftoi planet për të shkurtuar më shumë se 10% të fuqisë së tij punëtore globale.
Në vend të kësaj, marrëveshja e vitit 2018 paraqiste shpërblime të bazuara në rritjen e vlerës së tregut të ”Teslës” në 650 miliardë dollarë gjatë 10 viteve.
Sipas të dhënave, aksionet e kompanisë së automjeteve elektrike tani vlerësohen në 500,36 miliardë dollarë.
Në kohën e vendimit të saj, gjyqtarja me bazë në Delaware, Kathaleen McCormick tha se marrëveshja e pagave ishte e padrejtë për aksionerët.
Vendimi zemëroi Musk, i cili më pas kërcënoi se do të zhvendoste selinë e ”Teslës” nga Delaware në Teksas.
Shefi i esla-s, Elon Musk thotë se votat e aksionerëve për një pagë rekord për multimiliarderin dhe një plan për të zhvendosur selinë ligjore të firmës në Teksas “aktualisht po kalojnë me diferencë të madhe”.
Aksionarët e Tesla-s kanë votuar për disa propozime, duke përfshirë një që mund të konfirmojë një marrëveshje pagash për zotin Musk, me vlerë 56 miliardë dollarë (43.8 miliardë £) kur u ra dakord për herë të parë në 2018.
Kompania do të bëjë një njoftim zyrtar mbi rezultatin e votimit në një takim të enjten. Tesla nuk iu përgjigj menjëherë një kërkese për koment nga BBC Neës.
Në një postim në platformën sociale X, i njohur më parë si Tëitter, Musk falënderoi mbështetësit e tij. Megjithatë, ekspertët ligjorë thonë se nuk është e qartë nëse një gjykatë që bllokoi marrëveshjen do të pranojë rivotimin, i cili nuk është detyrues, dhe do të lejojë kompaninë të rivendosë paketën e pagave.
Në fillim të këtij viti, një gjykatës i Delaëare anuloi marrëveshjen e kompensimit pasi një investitor i vogël paditi.
Gjykatësi vendosi se shuma ishte “e padrejtë” dhe procesi për përcaktimin e paketës, nga një bord i dominuar nga zoti Musk, ishte “thellësisht i gabuar”.
Tesla e quajti vendimin “thelbësisht të padrejtë dhe në kundërshtim me vullnetin e aksionerëve”.
Kompania më pas e dorëzoi marrëveshjen në një votim tjetër – dhe u kërkoi aksionarëve të saj të mbështesin një plan për të riinkorporuar kompaninë jashtë shtetit të Delaëare.
Bordi ka thënë se Musk e meriton paketën sepse Tesla arriti objektivat e saj ambicioze nën udhëheqjen e tij dhe se është e nevojshme të sigurohet që ai të mbetet i përkushtuar ndaj kompanisë.
Drejtuesit e Tesla shprehën gjithashtu mbështetjen për paketën në postimet e mediave sociale, duke thënë se Musk është vendimtar për suksesin e kompanisë.
Ndërkohë, Musk premtoi një tur personal në fabrikën e Tesla-s në Teksas për disa aksionerë që hodhën vota.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
