Po luftoni për të zgjedhur cilat projekte të merrni përsipër si profesionist i lirë? Mësoni se si të gjeni projektet e duhura, që përputhen me aftësitë dhe qëllimet tuaja.
Përfshirja në një projekt të ri, mund të jetë emocionuese për profesionistët e lirë. Duke pasur parasysh vështirësinë për të gjetur punë si profesionist i lirë, mund të ndiheni të tunduar të përfshiheni në çdo mundësi që ju vjen.
Dështimi për të marrë në konsideratë faktorë si buxheti, afati kohor, qëllimi dhe niveli i aftësive, megjithatë, mund të çojë në probleme afatgjata.
Nëse nuk jeni të kujdesshëm për pozicionet për të cilat negocioni, mund të përfundoni duke nënshkruar kontratën e gabuar dhe të humbni shumë më tepër, sesa fitoni prej saj.
Cilat aspekte duhet të marrin parasysh profesionistët e lirë kur marrin përsipër projekte të reja?
Si një profesionist i lirë, ka një sërë vlerësimesh, që duhet të bëni, përpara se të zgjidhni të pranoni ose refuzoni një kontratë. Këto vlerësime mund të lidhen si me ju, ashtu edhe me punën.
Në fund të fundit, shumica e këtyre shqetësimeve, mund të trajtohen lehtësisht, duke mbajtur një linjë të qartë komunikimi midis jush dhe klientit tuaj.
Aftësitë
Ndërsa shumica e profesionistëve të lirë, janë mjaft të aftë në përshtatjen e shpejtë dhe marrjen e aftësive të reja në punë, do t’ju duhet të paktën një kuptim bazë i shumicës së kontratave.
Mund të jetë joshëse të ofertoni për role që janë afër, por jashtë gamës suaj të ekspertizës, por mund të jetë edhe e rrezikshme.
Nëse hyni pa e kuptuar plotësisht punën që do të bëni, mund të mos e kuptoni plotësisht se çfarë do të duhet të bëni, për të përfunduar punën.
Në rastin më të mirë, kjo mund të nënkuptojë se nuk do të paguheni aq sa duhet. Në rastin më të keq, ju mund të humbni kohën ose kufizimet buxhetore, si dhe mund të humbni punën ose kontratat e mundshme të ardhshme.
Materialet
Profesionist të lirë, megjithatë, duhet të mendojnë për koston e materialeve të punës, përpara se të përfshihen në një projekt të ri.
Përpara se të ndërmerrni një projekt të ri, mendoni se çfarë kërkohet për ta përmbushur atë. Mos harroni se klientët tuaj, mund të mos kuptojnë gjithçka, që duhet për projekte të caktuara, kështu që do t’ju duhet t’i ndihmoni ata.
Sigurohuni që të jeni plotësisht të vetëdijshëm për qëllimin e klientit, përpara se të filloni punën tuaj dhe të jeni të vetëdijshëm, nëse mund t’i siguroni gjithçka, që i nevojitet. Kuptoni se çfarë materialesh ose aftësish shtesë do t’ju nevojiten, përpara se të pranoni punën.
Afati kohor
Ndërsa klientët tuaj mund të jenë të shqetësuar për buxhetin monetar, ju duhet ta konsideroni kohën si një nga shqetësimet më të mëdha. Shumë profesionist të lirë, punojnë më shumë se një punë në të njëjtën kohë, gjë që e bën të lehtë kapërcimin e kufirit punë-jetë.
Përpara se të merrni një kontratë, tregoni se sa kohë mund të zgjasë puna dhe përpiquni ta ndani atë në faza.
Nëse e dini se çfarë pune pritet të bëhet dhe në cilën pikë, mund të gjurmoni lehtësisht ecurinë dhe t’i kushtoni më shumë kohë, për të përfunduar sipas planit.
Burnout te profesionistët e lirë, është një çështje që kërkon planifikim të kujdesshëm, në mënyrë që të shmanget. Jini të vetëdijshëm për orarin dhe sasinë e punës që prisni, përpara se të bini dakord.
Fushëveprimi
Një tjetër element kyç, përpara se të nënshkruani një kontratë të re, është fushëveprimi i punës, që pret klienti juaj.
Edhe kur kushtet e punës ju duken të qarta, vizioni i klientit për atë që do të ndodhë, mund të mos përputhet me vizionin tuaj. Sigurohuni, që të keni biseda të sinqerta përpara kohe.
Nëse vëreni se ideja e klientit për projektin nuk përputhet me tuajën, mund t’ju duhet të keni një bisedë të vështirë me ta. Mos pranoni të ndërmerrni asnjë projekt, ku nuk arrini mirëkuptimin me klientin.
Si duhet të vendosin profesionistët e lirë se cilat projekte të refuzojnë?
Pasi të keni menduar pak pikat e mësipërme, ka disa elementë të tjerë, që duhet t’i kontrolloni dy herë përpara, se të përfshiheni në një projekt.
Ngarkesa e punës
Marrja e projekteve të shumta në të njëjtën kohë është mjaft normale për shumicën e profesionistve të lirë, por kërcimi nga njëri në tjetrin mund të jetë e vështirë.
Çdo kontratë shtesë, shton stres dhe vështirësi, në ekuilibrimin e afateve kohore dhe orareve. Nëse nuk arrihet një ekuilibër, mund të përjetoni burnout.
Menaxhimi i orarit
Koha do të jetë një nga burimet më të mëdha, si një profesionist i lirë. Të kuptuarit se si ta ndani atë, mund të jetë e vështirë dhe marrja e më shumë punëve, sesa mund të përballoni, mund të rezultojë në humbje të klientëve dhe të ardhurave.
Ndonëse mund të duket e gabuar të heqësh dorë nga një punë, që mund ta kryesh, duhet të organizoni me kujdes kohën tuaj.
Gjëja më e rëndësishme, që duhet të bëni, kur mendoni të merrni një kontratë të re, është të keni komunikim të sinqertë me klientin tuaj të mundshëm.
Njohja e aftësive, që keni, dhe të atyrë që kërkon puna, mund t’ju ndihmojnë të parashikoni, se sa kohë do t’ju duhet.
Të kuptuarit e afatit kohor dhe fushëveprimit të punës, do t’ju ndihmojë të shihni se sa do t’ju kushtojë, për ta përfunduar projektin.
Të gjithë këta faktorë, do t’ju ndihmojë të vendosni, se cilat projekte janë të duhura për ju dhe cilat janë jashtë mundësive tuaja. / Make Use Of
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
