10 sipërmarrësit e famshëm që dështuan para se të bëheshin të suksesshëm - Business Magazine Albania

10 sipërmarrësit e famshëm që dështuan para se të bëheshin të suksesshëm


1. Bill Gates
Bill Gates është tani një nga njerëzit më të pasur të botës, por rruga e tij nuk ka qenë një udhëtim i lehtë drejt suksesit. Gates ka hyrë në skenën sipërmarrëse me një kompani të quajtur Traf-O-Data, e cila kishte për qëllim analizimin e të dhënave nga kasetat e trafikut. Ai u përpoq të shiste idenë bashku me partnerin e tij të biznesit, Paul Allen, por produkti mezi punoi. Ishte një katastrofë e vërtetë. Megjithatë, dështimi nuk e mbajti Gates për të eksploruar mundësi të reja dhe disa vite më vonë, ai krijoi produktin e tij të parë Microsoft dhe nisi një rrugë të re drejt suksesit.

2. Walt Disney
Walt Disney është biznesmeni mbrapa parkut shumë të suksesshëm “Walt Disney World”. Walt Disney thuhet se u shkarkua nga një redaktor gazete sepse nuk kishte ide të mira dhe nuk kishte imagjinatë. Në përpjekje për të vazhduar, Disney formoi kompaninë e tij të parë të animacionit, e quajtur Laugh-O-Gram Films. Ai e ngriti kompaninë me 15,000$, por në fund u detyrua t’a mbyllte atë, pas mbylljes së një partneri të rëndësishëm shpërndarës. Disney World aktualisht është vlerësuar me 35 miliardë dollarë.

3. Steve Jobs
Steve Jobs është një sipërmarrës i rëndësishëm për shkak të risive të tij të pakufishme, por edhe për shkak të rikthimit të tij nga një dështim pothuajse i parikuperueshëm. Jobs gjeti suksesin në të 20-tat e tij, kur Apple u bë një perandori, por kur ai ishte 30, bordi i drejtorëve të Apple vendosi t’a pushonte atë. Jobs themeloi një kompani të re, të quajtur NeXT, e cila u ble më vonë nga Apple. Pasi rikthehet në Apple, Jobs provoi kapacitetin e tij duke lartësuar imazhin e kompanisë.

4. Oprah Winfrey
E cilësuar si “Queen of Daytime Talk TV” Winfrey u shkarkua nga puna, nga një stacion lajmesh në Baltimore. Por Oprah vazhdoi me krijimin e një talk show shumë të suksesshëm të quajtur “The Oprah Winfrey Show”, një program shumë i suksesshëm. Vlera neto e Oprah është vlerësuar aktualisht në 2.7 miliardë dollarë.

5. Tim Ferris
Ai është i njohur për librin e tij më të mirë “The 4 Hour Workweek”. Ky libër u hodh poshtë nga 25 botues para se të hidhej në treg më në fund. Libri i Tim u shit në miliona kopje duke e bërë atë një të njohur në botën e sipërmarrjes.

/Artikulli u publikua më parë në faqen 72 të numrit 12 të revistës Business Magazine Albania. Ju mund të Shfletoni Këtu nr. 12 të saj.

6. Arianna Huffington
Është e vështirë të besohet se një nga emrat më të njohur në botimet në internet është hedhur poshtë nga tre botuesit më të mëdhenj. Libri i dytë i Huffington, për të cilin ajo u përpoq shumë për t’a publikuar shumë kohë më parë se ajo të ndërtonte perandorinë Huffington Post, u refuzua 36 herë para se të pranohej më në fund për botim. Natyrisht, Huffington i mposhti këto periudha të shkurtra dështimi dhe e ka forcuar emrin e saj si një nga “outlets” më të suksesshme në web.

7. Jeff Bezos
Amazon është një nga historitë më të mëdha të suksesit të kohës online. Por para se Amazon të bëhej i famshëm, CEO i kompanisë kishte disa ide të dështuara. Një nga më të dukshmet ishte një site online ankand, i cili kishte evoluar në zShops, një markë që në fund dështoi. Megjithatë, CEO Jeff Bezos do të risillte idenë e tij në atë që në fund do të bëhej Amazon Marketplace.

8. Larry Ellison
Kompania e Ellison, Oracle, ka patur uljet dhe ngritjet e saj. Pasi Ellison braktisi kolegjin dhe punoi si programues për tetë vjet, ai bashkë-themeloi kompaninë me ish-shefin e tij. Por, Oracle luftoi për vite të tëra para se t’a bënte kompaninë të madhe. Ellison madje ka lënë peng shtëpinë e tij për të marrë një kredi në mënyrë që të mbante biznesin të hapur gjatë asaj kohe.

9. Peter Thiel
Para fillimit të PayPal dhe investimit në emra të mëdhenj si Facebook, Thiel ka humbur shumë. Në kompaninë e tij e parë, Clarium Capital, humbi 90% të 7 miliardë $ të aktiveve të saj në tregun e aksioneve, monedhave dhe çmimeve të naftës.

10. Reid Hoffman
Para se të bashkë-themelonte LinkedIn dhe të investonte në emra të mëdhenj si PayPal dhe Airbnb, Hoffman krijoi SocialNet, një takim në internet dhe vend “social networking” që në fund dështuan.

/Artikulli u publikua më parë në faqen 72 të numrit 12 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 12 të saj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0