Instagram po i heq pëlqimet. Ja si do të duken postimet tuaja


Drejtori i Përgjithshëm i Instagram-it Adam Mosseri, njoftoi të premten në Wired25 se platforma do të fillojë të fshehë numrin e pëlqimeve në postime këtë javë. Në fillim, pëlqimet do të fshihen vetëm për përdorues të caktuar.

“Ne do të marrim vendime që dëmtojnë biznesin tonë nëse ato ndihmojnë mirëqenien dhe shëndetin e njerëzve”, tha Mosseri.

Instagram që nga korriku ka filluar të testojë fshehjen e pëlqimeve në Australi, Brazil, Kanada, Irlandë, Itali, Japoni dhe në Zelandë të Re.

Lexoni gjithashtu:

Si kam mundur ta hakoj çdo llogari në Instagram

Por, pëlqimet nuk do të zhduken plotësisht. Ju akoma do të keni mundësi t’i shikoni ato në fotot dhe videot tuaja – por jo në postimet e të tjerëve.

Në prill, Adam Mosseri i tha BuzzFeed News se heqja e pëlqimeve ka për qëllim “krijimin e një mjedisi më pak të diskriminuar, ku njerëzit ndihen të qetë duke shprehur veten”.

Ja si duket Instagram pa pëlqime në Australi, ku ky përditësim matjeje tashmë është duke funskionuar:

instagram hiding likes

Instagram nuk është i vetmi rrjet social që po eksperimenton me heqjen e pëlqimeve.

Në shtator, Facebook, i cili zotëron Instagram-in, eksperimentoi me heqjen e pëlqimeve në postime dhe CEO i Twitter Jack Dorsey, gjithashtu ka bërë të ditur për më se një vit se dëshiron të heqë pëlqimet nga tweet-et.

Lexoni:

Ja si t’i zbuloni me lehtësi ndjekësit e rremë në Instagram

Businessinsider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale