Europa është një hap më afër kompjuterit kuantik premtues me nënshkrimin – në emër të EuroHPC JC – të marrëveshjeve të pritjes për gjashtë kompjuterë kuantikë në tokën europiane. Siç raportohet, gjashtë kompjuterët e parë kuantikë të BE-së, që do të jenë funksionalë deri në vitin 2025, do t’u lejojnë përdoruesve europianë të eksplorojnë një shumëllojshmëri teknologjish kuantike të kombinuara me superkompjuterët kryesorë.
Gjashtë kompjuterët kuantikë të EuroHPC do të integrohen në superkompjuterët ekzistues në Republikën Çeke, Francë, Gjermani, Itali, Poloni dhe Spanjë.
Infrastruktura e ardhshme e llogaritjes kuantike do të mbështesë zhvillimin e një game të gjerë aplikimesh me rëndësi industriale, shkencore dhe shoqërore për Europën, duke shtuar aftësi të reja në infrastrukturën superkompjuterike europiane. Europa, me zhvillimin e kësaj teknologjie të re është kthyer në një rezultat të përpjekjeve bashkëpunuese të të paktën 17 vendeve europiane, duke bashkuar forcat për të krijuar kompjuterin kuantik.
Lexo edhe: E ardhmja e legjislacionit të inteligjencës artificiale
Sistemet do të jenë të disponueshme për një gamë të gjerë përdoruesish europianë, kudo që të jenë në Europë, komunitetin shkencor, si dhe industrinë dhe sektorin publik.
Sot ka një sërë detyrash të rëndësishme llogaritëse që superkompjuterët klasikë përpiqen t’i zgjidhin. Shembuj të këtyre problemeve komplekse janë optimizimi i flukseve të trafikut ose zhvillimi i barnave dhe materialeve të reja. Kompjuterët kuantikë hapin derën për qasje të reja për zgjidhjen e këtyre problemeve të vështira llogaritëse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
