Mbi 4 milionë abonentë paguajnë për shërbimin Snapchat+. Kështu është shprehur platforma Snapchat një vit pas lançimit të shërbimit me pagesë që iu ofron përdoruesve mundësinë të përdorin opsione premium. Abonimi mujor kushton 3.99 Dollarë.
Megjithatë kjo mbetet një shifër e vogël krahasuar me 750 milionë përdorues aktivë që Snapchat është shprehur se ka.
Snapchat+ ofron akses në “opsione ekskluzive dhe eksperimentale”. Abonentët mund të përdorin më shumë se 20 opsione përfshirë “dizajn të personalizuar të aplikacionit, ikona unike dhe mundësinë për të vendosur në krye të listës së kontakteve të preferuarin tuaj”, thotë platforma.
Pas një viti të vështirë, aksionet e Snap janë rritur me 30% në 2023. Gjithsesi, aksionet mbeten ende 86% më poshtë shifrës së tyre maksimale në vitin 2021.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
