Edward Snowden: “Kompanitë si Amazon, Google dhe Facebook, kanë modele biznesi të barazvlefshme me abuzimin” - Business Magazine Albania

Edward Snowden: “Kompanitë si Amazon, Google dhe Facebook, kanë modele biznesi të barazvlefshme me abuzimin”


Aktivisti amerikan, i cili është personi më i famshëm për kopjimin dhe publikimin e informacionit sekret të Agjencisë për Siguri Kombëtare (NSA) ndërsa punonte si punonjës dhe nënkontraktor i CIA, po fliste përmes telekonferencës ditën e hënë në Web Summit në Lisbonë, Portugali. Videoja e tij po vinte nga Rusia, ku ai jeton në azil politik që nga viti 2013.

Duke folur për mënyrat se si bota ka ndryshuar për sa i përket sigurisë personale dhe teknologjike që prej se i publikoi informacionet sekrete, 36-vjeçari tha: “Shikoj se pas 6 vitesh, bota po ndryshon.”

Lexoni: Shtetet e Bashkuara kanë ngritur padi ndaj hakerit amerikan Edward Snowden

“Unë mendoj se sa më shumë shohim rritjen e zemërimit në mes njerëzve dhe zhvillimin e problemeve të mëdha të botës, njerëzit po zemërohen me njerëzit e duhur për arsyet e gabuara, pasi ata shohin sesi po grabitet privatësia e tyre” tha ai.

“Po, këta njerëz janë të përfshirë në abuzim, veçanërisht Google, Amazon, Facebook”, vazhdoi ai. “Modeli i tyre i biznesit është abuzim. E megjithatë, sipas argumenteve të tyre, çdo gjë që ata bëjnë është legale. Por, e vërteta është se ne kemi legalizuar abuzimin e personit. Ne kemi futur një sistem që e bën popullsinë të prekshme për përfitimet e të privilegjuarve”.

Snowden gjithashtu dha një vlerësim për një përpjekje madhore të kohëve të fundit për të frenuar përdorimin e të dhënave teknologjike: Rregullorja e Përgjithshme e Bashkimit Europian për Mbrojtjen e të Dhënave, e njohur si “GDPR”, e cila doli në fuqi në maj të 2018. Ky ligj vendos kërkesa të rrepta sesi të dhënat mund të ruhen dhe përdoren në BE.

Lexoni: A po e fsheh qeveria amerikane ekzistencën e alienëve?

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0