Ish kontraktori i Agjencisë Kombëtare të Sigurisë (NSA) shkroi për zbulimet e tij – në librin e tij të fundit “Record Permanent” dhe përsëri e konfirmoi atë gjatë një interviste në podcast-in “Joe Rogan Experience”.
Ai gjithashtu tha në podcast se “ndoshta alienët ekzistojnë” por hodhi poshtë teoritë e komplotit se qeveria amerikane po punon për t’i fshehur ato.
Snowden, i cili jeton në mërgim në Moskë, tha se kishte kontrollouar bazat e të dhënave para se të linte punën e tij në NSA dhe nuk kishte gjetur prova që do të vërtetonin teoritë e komplotit.
“Unë kam kontrolluar rrjetin dhe nuk munda të gjej asgjë. ”
Departamenti i Drejtësisë ngriti një padi në shtator kundër Snowden, duke thënë se libri i tij i kujtimeve shkel marrëveshjet e mosdeklarimit që ai nënshkroi me CIA-në dhe NSA-në.
Hakeri i njohur ndërkombëtarisht bëri bujë kur Washington Post dhe The Guardian publikuan histori bazuar në veprimet e tij, të cilat përshkruanin programin e mbikëqyrjes masive të qeverisë amerikane, duke përfshirë edhe hyrjen në të dhënat e celularëve të miliona amerikanëve.
Snowden tha se nuk i vjen keq për veprimet e tij dhe se dëshiron të kthehet në Shtetet e Bashkuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
