Shfletuesi Microsoft Edge është i mbushur me veçori me shumë mjete dhe opsione që e bëjnë përvojën tuaj të shfletimit në internet më të mirë dhe më të përshtatshme.
Jo shumë kohë më parë, Microsoft Edge u gjend në një pozicion të vështirë, pasi përdoruesit zbuluan një gabim që dërgon historinë e shfletuesit tuaj në Bing.
Tani mund të çaktivizoni një veçori tjetër për t’u siguruar që Edge të mos dërgojë çdo imazh që shihni në internet te Microsoft.
Edge ka një mjet të integruar për përmirësimin e imazhit që, sipas Microsoft, mund të përdorë “super-rezolucion për të përmirësuar qartësinë, shkëlqimin dhe kontrastin në imazhet në ueb”.
Ndërsa funksioni tingëllon emocionues, përditësimet e fundit të Microsoft Edge Canary kanë dhënë më shumë informacion se si funksionon përmirësimi i imazhit.
Shfletuesi tani paralajmëron se po dërgon ‘linqe’ te Microsoft në vend që të kryejë përmirësime në pajisje!
Problemi më i madh me “super-rezolucion” të Edge dhe shërbimet e tjera të dyshimta është, se është aktivizuar si parazgjedhje.
Për shkak të kësaj, përdoruesit pavetëdije i japin automatikisht lejen shfletuesit për të dërguar imazhe te Microsoft për përpunim dhe përmirësim. Ja se si mund ta rregulloni:
Hapni Microsoft Edge dhe menynë e tij kryesore;
Shkoni te Cilësimet > Privatësia, kërkimi dhe shërbimet;
Lëvizni poshtë dhe çaktivizoni “Përmirësimi i imazhit” në Microsoft Edge.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
