Twitter ka humbur pothuajse gjysmën e të ardhurave nga reklamat, ka theksuar Elon Musk, i cili e bleu atë për 44 miliardë dollarë tetorin e kaluar.
Sipas mediave të huaja, ai tha se kompania nuk kishte rritjen e pritshme të të ardhurave në qershor, por shtoi se korriku ishte “pak më premtues”.
We’re still negative cash flow, due to ~50% drop in advertising revenue plus heavy debt load. Need to reach positive cash flow before we have the luxury of anything else. — Elon Musk (@elonmusk) July 15, 2023
Elon Musk shkarkoi rreth gjysmën e stafit prej 7,500 veta në Twitter, kur mori detyrën në 2022, në përpjekje për të ulur kostot.
Në anën tjetër, aplikacioni rival Threads ka 150 milionë përdorues, sipas disa vlerësimeve.
Lidhja e integruar me Instagram i jep automatikisht Threads, platformës së projektuar nga Meta, qasje për dy miliardë përdorues të mundshëm.
Kujtojmë se në fillim të këtij muaji Twitter vendosi të kufizojë sa tweet-e mund të lexojnë përdoruesit e tij.
Lexo edhe: ChatGPT në hetim për rreziqet rreth përgjigjeve të rreme
Kështu, ishte bërë e ditur se përdoruesit e paverifikuar mund të lexojnë 1,000 cicërima dhe përdoruesit e verifikuar 10,000 në ditë, një lëvizje për të cilën thuhet se ka “hutuar” reklamuesit.
Ai rriti përpjekjet për të shtyrë përdoruesit drejt Twitter Blue, shërbimi i tij i abonimit me pagesë.
Ndërkohë, Linda Yaccarino, ish drejtuese e reklamave në NBCUniversal, u angazhua si CEO në qershor – një lëvizje që tregon se shitjet e reklamave janë ende një prioritet për Twitter.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
