Sot Kurban Bajrami, uron Business Magazine!
Ndërsa nuk kanë munguar gjatë ditës së sotme as urime nga politika.
Kryetari i Bashkisë së Tiranës, Erion Veliaj vizitoi sot selinë e Komunitetit Mysliman të Shqipërisë, nga ku uroi të gjithë besimtarët myslimanë festën e shenjtë të Kurban Bajramit.
“Kurban Bajrami është dita e sprovës dhe sot duhet të reflektojmë për kohën ku jetojmë. Secili prej nesh duhet të sakrifikojë egot, inatet, mëritë sepse një qytet bëhet më i mirë kur sakrifikojmë gjëra si këto, që nuk janë të dobishme. Ne mund të jetojmë edhe pa inate, edhe pa smirë, edhe pa xhelozi, edhe pa stërkëmbësha.
Më vjen mirë që sot në mëngjes, pavarësisht se Tirana shumë aktivitete – sheshi ishte i zënë me përgatitjet për koncertin e Enrique Iglesias, por një qytet i mirë ka hapësirë për të gjithë – akomoduam të gjithë besimtarët myslimanë në sheshin ‘Skënderbej’. Ndërkohë, në të gjithë territorin e Bashkisë së Tiranës, por edhe të Qarkut të Tiranës, Prefekturës së Tiranës, në të gjitha qendrat sociale të Tiranës, do të shërbejmë vaktet tona. Në disa familje kemi çuar ushqime në shtëpi, që të sigurohemi që asnjë nuk ndihet vetëm. Vërtet ky është një qytet i madh dhe ka shumë bereqet dhe ekonomi, por parimi i qytetit të mirë është: teksa qyteti zhvillohet, askush të mos ngelet pas dhe të mos ndihet që nuk kishte mjaftueshëm për të festuar, ndaj secili sipas mundësive sot, të ndihmojë një fqinj,” tha Veliaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
