Dy nga miliarderët e teknologjisë të profilit më të lartë në botë – Elon Musk dhe Mark Zuckerberg – kanë rënë dakord të ndeshen me njëri-tjetrin ‘në një luftë kafazi’.Musk postoi një mesazh në platformën e tij të medieve sociale në Twitter, se ishte “për një luftë në kafaz” me Zuckerbergun
Zuckerberg, shefi i kompanisë mëmë e Facebook dhe Instagram, Meta, më pas postoi një ‘screenshot’ të postimit të Musk-ut në Twitter me mbishkrimin “më dërgo lokacionin”.
“Historia flet vetë”, tha një zëdhënës i Meta-s për BBC.
Musk më pas iu përgjigj Zuckerbergut duke i thënë për lokacionin “Vegas Octagon”.
Octagon është poligon me rrethoja i përdorur për ndeshjet e Kampionatit Ultimate Fighting (UFC). UFC është i vendosur në Las Vegas, Nevada.
Lexo edhe : Elon Musk thotë se Inteligjenca Artificiale ka fuqinë për të shkatërruar civilizimin
Musk, i cili mbush 52 vjeç në fund të këtij muaji, gjithashtu bëri një postim tjetër në Twitter: “Kam këtë lëvizje të mrekullueshme që e quaj “The Walrus”, ku thjesht shtrihem mbi kundërshtarin tim dhe nuk bëj asgjë”.
“Unë pothuajse kurrë nuk stërvitem, përveçse i kap fëmijët e mi dhe i hedh lart”, shtoi ai.
Ndërkohë, 39-vjeçari Zuckerberg është trajnuar në Artet Marciale të Përziera (MMA) dhe së fundmi ka fituar turnetë në Jiu-Jitsu.
Debatet mes dy miliarderëve janë bërë virale derisa përdoruesit po flasin se kush do ta fitonte ndeshjen. nypost
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
