Në një intervistë me prezantuesin e Fox News, Tucker Carlson, Elon Musk ndau këndvështrimin e tij mbi problemet e natyrshme në teknologjinë e avancuar të AI si ChatGPT, dhe zbuloi qëllimin e tij për të krijuar chatbotin e tij të AI “bazuar në të vërtetën”.
Musk u shpreh se inteligjenca artificiale është shumë më i rrezikshme sesa dizajni i keq i avionëve ose prodhimi i keq i makinave, pasi “ka potencialin e shkatërrimit të civilizimit”. Ai vazhdoi duke thënë se një shkatërrim i tillë “nuk do të ndodhte si filmin e famshëm Terminator, sepse inteligjenca do të ishte në qendrat e të dhënave. Roboti është vetëm efekti përfundimtar”.
Musk ishte një nga themeluesit origjinalë të OpenAI, krijuesit pas aplikacioneve të AI ChatGPT dhe Dall-E, por dha dorëheqjen në vitin 2018 duke përmendur një konflikt interesi me punën e tij në Tesla dhe SpaceX. Ai shtoi se është “ironike” që inxhinierët e OpenAI tani, sipas tij, po “trajnojnë AI për të gënjyer”.
Lexo edhe: Blen mijëra njësi të procesimit grafik. Elon Musk themelon një kompani të re
Për të luftuar këtë paragjykim të perceptuar nga ChatGPT, Musk i tha Carlson se duhet të ketë një agjenci, si Administrata e Ushqimit dhe Barnave ose SEC, për të rregulluar A.I. Musk tha gjithashtu se ai planifikon të krijojë sistemin e tij të AI, të quajtur paraprakisht TruthGPT, që ka të ngjarë të lidhet me kompaninë AI X.AI me bazë në Nevada, të cilën Musk thuhet se e themeloi në mars.
Sipas Musk, TruthGPT do të ishte një “Inteligjencë Artificiale maksimale e kërkimit të së vërtetës që përpiqet të kuptojë natyrën e universit”. Musk tha se një AI me një mision për të kuptuar universin “nuk ka gjasa të asgjësojë njerëzit sepse ne jemi një pjesë interesante e universit”. / INC.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
