Të gjesh një punë të mirë sot është e vështirë.
Thjesht duke marrë një diplomë nuk është e mjaftueshme për të gjetur një punë. Kualifikimet arsimore ofrojnë një avantazh, por ju shpesh do ta kuptoni se ato janë vetëm një pjesë e asaj që punëdhënësit kërkojnë.
Të dhënat e fundit tregojnë se 44 për qind e të rinjëve paguhen pak. Këta njerëz të talentuar shpesh punojnë me paga të ulëta ose me kohë të pjesshme. Prandaj, ekziston nevoja për kreativitet për t’u siguruar që punëdhënësit t’ju pranojnë.
Këtu janë pesë këshilla që do të rrisin shanset tuaja për të fituar punën tuaj të ëndrrave.
- Krijimi i një profili profesional online me LinkedIn
Duke pasur një prani profesionale në internet është një nga hapat e rëndësishëm në sigurimin e punës tuaj të ëndrrave. Sot, platforma më e përdorur për profesionistët është LinkedIn. Statistikisht, punëdhënësit dhe menaxherët e punësimit përdorin LinkedIn-in më shumë se ndonjë website tjetër. Ndërtoni një profil të fortë në LinkedIn duke dokumentuar arritjet tuaja profesionale dhe përvojën tuaj.
Sigurohuni të listoni ndonjë punë “shërbime” që ju keni bërë. Ata jo vetëm që do ta kuptojnë se ju ndërmerrni iniciativë, por kjo gjithashtu tregon që ju e përballoni me sukses përgjegjësinë. Ju mund edhe të listoni aktivitetet tuaja jashtëshkollore dhe të publikoni edhe disa nga çmimet që i keni fituar.
- ‘Lidhuni’
Pas krijimit të një pranie profesionale online, është e rëndësishme që të filloni të krijoni lidhje. Kjo pikë përforcon domosdoshmërinë e platformave profesionale të mediave sociale të tilla si LinkedIn. Platforma është thelbësore për angazhim profesional dhe ju duhet të shpërndani atë në Facebook dhe Twitter.
Shumica e kolegjeve tani kanë një bazë të dhënash të studentëve të mëparshëm dhe ku ata aktualisht punojnë. Kolegjet përpiqen për të mbesin në kontakt me ish studentët e tyre.
- Bëni praktikë sa më shpejt
Një tjetër sekret për të filluar punën tuaj të ëndrrave është aftësia juaj për t’a bërë atë punë. Një nga mënyrat më të mira për të treguar angazhimin tuaj është të hiqni mendimin e pushimit pas diplomimit. Ndërsa praktikat verore janë një ide e mirë, nuk ka asgjë më të mirë se një praktikë profesionale në një kompani prestigjioze. Shumica e kompanive të mëdha nuk mund t’iu punësojnë direkt nga kolegji, por ata me shumë gjasa do ta marrin në konsideratë që t’ju ofrojnë stazh pune, shpesh pa pagesë. Duke treguar se jeni të angazhuar për karrierën tuaj me siguri shanset tuaja për punësim do të rriten.
- Gjeni një mentor të mirë, dhe bëhuni një dëgjues i mirë
Këshillat dhe ndihma e një mentori do t’iu ndihmojnë shumë. Studimet e fundit tregojnë se përqindja më e madhe e studentëve, të cilët pretendojnë të kenë një këshilltar, zgjedhin prindërit e tyre. Më pas vijnë ata që listojnë profesorët e tyre, familjen ose miqtë.
Ndërsa prindërit, mësuesit, të afërmit dhe të tjerët në rrethin tuaj mund të jenë një alternativë e mirë, ju duhet gjithsesi ta zgjeroni kërkimin tuaj. Gjeni ekspertë dhe profesionistë që punojnë në fushën tuaj të dëshiruar. Sigurohuni që ata janë njerëzit me të cilët mund të lidheni. Bëni një përpjekje për të kuptuar përvojat e tyre.
- Çertifikohuni në industrinë për të cilën dëshironi të punoni
Shumë të diplomuar mendojnë se mësimi në kolegj i përgatit ata për punën e tyre të ëndrrave. Realiteti është zakonisht shumë ndryshe. Për të shmangur një situatë ku ju jeni të frikësuar nga pritshmëritë e punës tuaj, është e këshillueshme që të merrni pjesë në kurset e specializimit që ju ofrojnë një të ardhme shumë më të përqendruar dhe përcaktojnë aftësi që janë më të përshtatshme për punën tuaj të ëndrrave.
Çertifikimet janë një avantazh shtesë. Shumë nga organizatat që ofrojnë trajnime profesionale janë partnere me kompanitë kryesore në vend.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
