Java e punës 4-ditore mund të bëhet realitet në Itali. Dhe në krye do të ishte gjigandi i bankes Intesa Sanpaolo disa degë edhe në Como, e cila po studion propozimin së bashku me sindikatat. Punonjësit nuk do të punonin më 5 ditë, por një më pak dhe me të njëjtën pagesë.
Duke qenë se inovacioni do të prekte bankën lider të vendit, ëshët e lehtë të kuptohet pesha e këtij negocimi. Për momentin, megjithatë, sindikatat kanë rezervuar një studim të thelluar dhe verifikim ligjor për kohën e nevojshme për të identifikuar zgjidhjet më të mira për punëtorët.
Propozimi i Intesa
Propozimi që Intesa Sanpaolo u ka bërë sindikatave është ndarja e orarit në 4 ditë në javë për 9 orë në ditë. Zgjedhja e ditës “të lirë”, në gjendjen aktuale të negociatave, mund të jetë vullnetare dhe do të ekzistonte mundësia e ndryshimit të ditëve të punës gjatë javës, nga e hëna në të premte, në marrëveshje me menaxherin.
Julian Siravo, arkitekt, urbanist e një nismëtar i projektit 4DayWeek, shprehet:
“Të ofrosh një pagë konkurruese sot, nuk mjafton, duhet të fillojmë t’u ofrojmë punëtorëve një jetë më të mirë”.
Ai shpjegon se java katërditore e punës, të cilën po e miratojnë gjithnjë e më shumë vende, ideja ka joshur së fundi edhe Italinë dhe pritet të vendoset.
Për një periudhë të caktuar kohore, punonjësit e kompanive që vendosin vullnetarisht të marrin pjesë në projekt, ulin orarin e tyre të punës, i cili shtrihet maksimumi në katër ditë në javë.
E gjithë kjo, pa pësuar ulje rroge. Eksperimenti lindi që përpara pandemisë, si përpjekje për të përmbushur nevojat e kompanive që nuk duan të humbin punonjës me vlerë, e sidomos ata si Julian Siravo i Autonomy, një organizatë kjo e pavarur kërkimore.
“Më shumë ditë në zyrë nuk nënkuptojnë domosdoshmërisht produktivitet më të madh: kjo ekuivalencë nuk ekziston, nuk është demonstruar kurrë. Eksperimentet e deritanishme në vende të ndryshme na kanë treguar se produktiviteti në kompanitë që i janë bashkuar projektit nuk ka rënë asnjëherë, madje në disa raste është rritur, sepse punëtorët më të lumtur punojnë më mirë”, thotë ai.
Pas suksesit në vende të afërta, si Gjermania e Franca, tani edhe Italia po diskuton mundësinë e eksperimentimit me javën e shkurtër të punës. Autori i librit “Të punosh më pak, të jetosh më mirë”, Fausto Durante, argumenton se dobia reale e kohës së kaluar në punë është argument mbi të cilin bazohet propozimi për uljen e ditëve të javës së punës nga pesë në katër dhe orët nga 40 në 32, me të njëjtën pagesë. Në origjinë të propozimit qëndron pranimi i dështimit të politikave neoliberale të punës, që kanë imponuar orë të gjata, paga të ulëta dhe pasiguri si në nivel social, ashtu edhe në atë ekonomik.
Megjithatë, varianti që po shohin subjekte të veçanta është ai i ndarjes së orarit në 4 ditë në javë, por për 9 orë në ditë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
