Eksperimentet për pagesën e një të ardhure themelore universale po shfaqen në të gjithë Europën - Business Magazine Albania

Eksperimentet për pagesën e një të ardhure themelore universale po shfaqen në të gjithë Europën


Bashkimi Europian po financon një eksperiment të ri për të ardhurat universale në Barcelonë krahas testeve të ngjashme në Helsinki dhe në qytetin holandez të Ultrecht.

Rreth 1,000 amvisa me të ardhura të ulëta, në një nga rrethet më të varfra të qytetit do të zgjidhen rastësisht për të marrë pagesa mujore prej 400€ (450$) deri në 525€ (590$) për dy vjet. Të tre këto programe do t’i kushtojnë BE-së 13 milionë € (14.7 milionë $).

Studimi është i fundit pas një seri përpjekjesh hulumtuese të nisura anembanë globit në muajt e fundit për të vënë politikat në provë në një mjedis të botës reale.

Ideja e një të ardhure universale bazë, një sistem në të cilin një qeveri do t’i jepte çdo qytetari pagesa të barabarta po merr vëmendje kohët e fundit, falë mbështetjeve nga emra të nëdhenj të Silicon Valley (më së fundmi Mark Zuckerberg) dhe nga kërcënimi i humbjes së punës nga automatizimi.

Tashmë këtë vit, eksperimentet janë shpallur ose lançuar në Ontario, Oakland dhe Uganda, përveç qyteteve europiane.

Një sondazh në fillim të këtij viti zbuloi se 7 në 10 europianë do të votonin për një politikë të UBI nëse do t’i jepej shansi.

Pavarësisht nga mbështetja e supozuar popullore, populli i Zvicrës votoi kundër një propozimi të tillë, në një referendum vitin e kaluar.

Organizata për Bashkëpunim dhe Zhvillim Ekonomik (OECD), një grup ndërqeveritar i demokracive të tregut të lirë muajin e kaluar doli në konkluzionin që nëse UBI do të zbatohet në të gjithë vendet europiane do të kërkonte rritje të konsiderueshme të taksave.

Burimi: mashable.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0