Nisin spekulimet se Mark Zuckerberg do të bëhet president, pas thirrjes për pagesën e një të ardhure themelore universale - Business Magazine Albania

Nisin spekulimet se Mark Zuckerberg do të bëhet president, pas thirrjes për pagesën e një të ardhure themelore universale


Të gjithëve duhet t’u paguhet një e ardhur themelore universale, tha Mark Zuckerberg.

Themeluesi i Facebook tha se nëse secili do të merrte një pagë bazë, kjo do t’u lejonte atyre të merrnin më shumë rreziqe dhe të provonin gjëra të reja, duke ditur se ata do të ishin ende në gjendje të përballonin gjërat themelore për të cilat do të kishin nevojë për të jetuar.

Ideja e një të ardhure universale bazë, ose UBI, është bërë e popullarizuar në mesin e teknologëve dhe njerëzve në Silicon Valley. Kjo lejon për më shumë politika rishpërndarëse dhe do të jetë e rëndësishme kur automatizimi do të zëvendësojë punët e tyre.

Mark Zuckerberg sugjeroi që të ardhurat themelore universale të ishin pjesë e një “kontrate të re shoqërore për brezin tonë”. Ai e bëri rekomandimin gjatë një fjalimi në Harvard, ku shumë persona thanë se dukej sikur po planifikonte të bëhej president.

“Ne duhet të kemi një shoqëri që mat progresin jo vetëm nga metrika ekonomike si GDP, por sa prej nesh kanë një rol që e gjejnë kuptimplotë”, tha ai. “Ne duhet të eksplorojmë ide siç janë të ardhurat universale bazë për t’u dhënë të gjithëve një shtysë për të provuar gjëra të reja.

“Ne do të ndryshojmë punët shumë shpesh, kështu që ne kemi nevojë për një kujdes për fëmijët të përballueshëm kur shkojmë në punë dhe kujdes shëndetësor që nuk është i lidhur me një kompani. Ne të gjithë do të bëjmë gabime, kështu që kemi nevojë për një shoqëri që fokusohet më pak në stigmatizëm. Ndërsa teknologjia vazhdon të ndryshojë, ne duhet të përqendrohemi më shumë në edukimin e vazhdueshëm gjatë gjithë jetës sonë.

“Dhe po, të dhënit e lirisë për të ndjekur qëllimet nuk është falas. Njerëz si unë duhet të paguajnë për të.”

Fjalimi, i cili u përqendrua në çështjet politike dhe publike është ngjarja e fundit që çoi në spekulime se Mark Zuckerberg mund të planifikojë të nisë një fushatë presidenciale. Ai ka qenë në një tur në shtete të ndryshme në SHBA, duke takuar njerëz dhe duke postuar rekomandimet e tij politike për përmirësimin e jetës së tyre, por ka mohuar në mënyrë të përsëritur se po përgatitet për të udhëhequr SHBA-në.

Burimi: independent.co.uk

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0