Si në Snapchat, tregimet në WhatsApp do të postohen nga një kamera në aplikacion. Pasi të keni bërë një foto, ju mund t’a zbukuroni atë me vizatime, tekst dhe emoji. Pasi të krijoni historinë tuaj, ajo do të shfaqet në një “dritare” të re statusi, ku kontaktet tuaja mund t’a shikojnë atë për 24 orët e ardhshme. Ju mund t’i përgjigjeni përditësimeve të shokëve direkt nga posti.
WhatsApp bëhet i katërti produkt i Facebook që klonon historitë e Snapchat. Instagram ishte i pari, në muajin Gusht. Ajo u pasua nga Facebook Messenger dhe pastaj nga Facebook vetë, të cilët janë ende në testim në një numër të vogël shtetesh. WhatsApp është produkti i dytë i Facebook-ut që po lançon këtë funksion globalisht.
WhatsApp ka vendosur t’a bëjë këtë përditësim si një dhuratë për përdoruesit në ditëlindjen e saj të 8 dhe si një lloj kthimi simbolik në origjinën e tij.
“Kur WhatsApp u lançua gati 8 vjet më parë (më 24 Shkurt), ai filloi si një aplikacion për ndarjen e përditësimeve të statusit, ku njerëzit mund të shkruanin një linjë të shkurtër teksti për t’i lënë miqve të tyre të ditur se çfarë ishin ata duke bërë,” tha kompania në një postim në blog.
“Kur vumë re se njerëzit ishin duke e përdorur këtë funksion për të komunikuar në kohë reale, ne e rideznjuam WhatsApp-in si një aplikacion për komunikim.”
Nga perspektiva e Facebook, duke shtuar historitë në aplikacionin WhatsApp përfaqëson një përpjekje strategjike për të ulur rritjen e Snapchat në tregjet ku aplikacioni ende nuk ka zënë rrënjë. Duke zbatuar një nga karakteristikat më të njohura të Snapchat, Facebook është duke e detyruar Snap Inc të gjejë mënyra të reja për të rritur biznesin e saj.
Dhe kjo mund të funksionojë shumë mirë. Brenda katër muajve të lançimit, 150 milionë njerëz ishin duke përdorur historitë e Instagram çdo ditë – e njëjta sasi që përdorin Snapchat. Historitë e WhatsApp i japin Snapchat-it një arsye më shumë për t’u shqetësuar .
Burimi: theverge.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
