Apple ka nisur ftesat për një event të veçantë të datës 4 Mars 2026, të quajtur “special Apple Experience”, që do të mbahet në New York, London dhe Shanghai. Ftesa nuk jep detaje specifike për produktet që do të prezantohen, por ngre pritshmëri të larta në botën e teknologjisë sot.
Lexo gjithashtu: Helga Sands, 87-vjeçarja që shpenzoi shuma të çmendura parash në kërkim të pavdekësisë!
Çfarë dihet deri tani?
• Eventi është i projektuar si “experience” dhe jo një keynote tradicional, që sugjeron mundësi praktike për gazetarët dhe krijuesit e përzgjedhur për të provuar produkte të reja në vend.
• Ftesa përmban një logo Apple 3D me ngjyra të gjalla, e cila, sipas zërave të industrisë, mund të jetë një “hint” për ngjyrat e reja të një MacBook të ardhshëm të përballueshëm.
• Analistë dhe media të teknologjisë parashikojnë se Apple mund të prezantojë për të paktën disa produkte të reja si: iPhone 17e, laptopë Mac të rinj (p.sh. MacBook Pro me çipe M5), iPad të rifreskuar, dhe ndoshta modele të reja MacBook Air apo Mac me çipe M5 Pro/M5 Max.
Kuptimi i fjalës “Experience” është se ky event mund të jetë më intim, pa transmetim të madh live në internet, por me fokus te prezantimi praktik i pajisjeve, një qasje e re e Apple për të krijuar një eksperiencë më personale me produktet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
