Seria e trajnimeve: “Zgjidhje të Teknologjisë së Informacionit dhe Komunikimit për Gratë Sipërmarrëse”


BERZH organizon në datat 4-5 dhe 11-12 Dhjetor 2018 në Tiranë trajnimin me temë: “Zgjidhje të Teknologjisë së Informacionit dhe Komunikimit për Gratë Sipërmarrëse”, në ambientet e Hotel Opera, Tiranë.

Të krijosh një biznes të suksesshëm është shumë më shumë se të kesh një ide të mirë ose talent të dalluar. Bizneset më të suksesshme sjellin vazhdimisht risi dhe zhvillohen. Në kohën e sotme, ku ndryshimi është konstantja më e pandryshueshme, aftësitë drejtuese janë të domosdoshme për ta çuar këtë ndryshim përpara. Në këtë kontekst, ky trajnim do t’ju ndihmojë të kuptoni mundësitë që ju ofron Teknologjia e Informacionit dhe Komunikimit (TIK) në rritjen e efektivitetit të biznesit tuaj dhe të zbatoni mjetet e duhura për të udhëhequr biznesin tuaj drejt rritjes. Përgjatë katër ditëve të trajnimit ju do të aftësoheni për të:

  • identifikuar mundësitë që TIK ofron për biznesin tuaj
  • përgatitur mjedisin dhe kompaninë tuaj për zgjidhjet që ofron TIK
  • zgjedhur programet/aplikacionet më të përshtatshme për biznesin tuaj
  • menaxhuar ndryshimin që sjell TIK

Përmbajtja e trajnimit është krijuar posaçërisht për gratë në biznes. Shtrirja e tij në dy periudha të ndryshme do t’ju japë mundësinë të zbatoni disa nga aftësitë e marra në pjesën e parë dhe njëkohësisht, të reflektoni mbi zgjidhjet që TIK ju mundëson në biznesin tuaj. Gjithashtu, pjesa e dytë e trajnimit do t’ju ofrojë mënyrat e duhura për të zgjedhur programet apo aplikacionet e duhura për biznesin tuaj dhe si të menaxhoni ndryshimet që këto zgjidhje ju ofrojnë për ta çuar biznesin tuaj në nivelin tjetër.

Trajnimi është i bazuar në praktikat më të mira ndërkombëtare dhe në ekspertizën e trajnuesve. Ai i dedikohet grave që duan të zhvillojnë aftësitë sipërmarrëse dhe udhëheqëse, dhe të njihen me metoda inovative për ta shtyrë biznesin përpara. Trajnimi do të jetë interaktiv dhe do të përfshijë përvoja praktike nga zgjidhje të TIK që kompani të ndryshme në Shqipëri e në mbarë botën kanë bërë duke rritur në këtë mënyrë efektivitetin dhe fitimet e tyre.

Trajnuesit Julian Demeti dhe Elsa Denaj sjellin njohuritë e duhura praktike e teorike të zbatimit të zgjidhjeve të TIK në biznesin tuaj, me përvojë të gjatë në këtë fushë nëpërmjet teknikave bashkëkohore e shembujve konkretë për përcjelljen e dijes tek pjesëmarrësit dhe zbatimin e saj në praktikë.

Gjithashtu, gjatë këtij trajnimi do të keni mundësinë të dëgjoni experienca dhe këshilla prej të ftuarve nga institucionet financiare, si edhe të diskutoni potencialin e biznesit tuaj me investitor lokal.

Trajnimi do të mbahet në gjuhën shqipe. Pagesa për të 4 ditët e trajnimit është 100 euro falë kontributit të donatorëve. Çmimi përfshin materialet e trajnimit, ushqimin dhe pijet etj.

Për më shumë informacion rreth aplikimit dhe programit të trajnimit klikoni në linkun: Zgjidhje të TIK për Gratë Sipërmarrëse

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale