Vërejtje: Mosdeklarimi i adresës së ambientit ku ushtroni aktivitet do të konsiderohet kundërvajtje administrative sipas ligjit.
Administrata Tatimore njofton të gjithë tatimpaguesit që brenda datës 20 Tetor të deklarojnë në e-Filing informacionin mbi statusin e pronësisë së vendit/vendeve ku ushtrohet aktiviteti ekonomik, duke dorëzuar dokumentacionin përkatës (dokumentin e pronësisë, kontratën e qirasë, etj.).
Ky informacion është i nevojshëm për përllogaritjen e saktë të Tatimit në Burim dhe për përgatitjen e Deklaratës së të Ardhurave Personale për individët subjekt deklarimi.
Depozitimi ose përditësimi i këtyre të dhënave në llogarinë personale e-Filing duhet të kryhet nga çdo tatimpagues (NIPT), për adresën kryesore dhe ato sekondare, duke ndjekur këto hapa:
- Klikoni në seksionin “e-Filing Im”.
- Zgjidhni “Profili Im” nga lista.
- Në seksionin në të majtë, “Detajet e Tatimpaguesit”, klikoni “Adresa”.
- Klikoni logon e shtëpizës në seksionin “Adresa Kryesore”.
- Plotësoni të dhënat në “Detajet e objektit ku ushtrohet aktiviteti” dhe ngarkoni dokumentin e pronësisë ose kontratën e qirasë.
Udhëzimet e detajuara për hapat që duhet të ndiqni gjenden në dokumentin “Manual i Plotësimit të Detajeve” (Tatimi në Burim, Udhëzimi për Tatimpaguesit).
Tatimet kujtojnë se ky informacion duhet plotësuar për çdo njësi biznesi, qoftë NIPT kryesor apo sekondar.
Depozitimi i të dhënave të mësipërme bazohet në kërkesat e Ligjit nr. 9920, datë 19.05.2008 “Për Procedurat Tatimore në RSH” i ndryshuar, neni 23, pika 1, dhe të Ligjit nr. 87/2019 “Për Faturën dhe Sistemin e Monitorimit të Qarkullimit”, i ndryshuar. monitor
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
