Në Finlandë, për herë të parë në botë, u krijua një bateri rëre, e cila mund të kontribuojë në zgjidhjen e një prej sfidave më të mëdha në energjinë e ripërtërishme. Kjo sfidë është se si të sigurohet një furnizim konstant me energji gjatë gjithë vitit.
Koncepti i baterisë është i thjeshtë energjia elektrike e prodhuar nga burimet e ripërtërishme të energjisë shndërrohet në nxehtësi, e cila drejtohet në një enë me 100 tonë rërë. Me këtë rast, rëra nxehet deri në 500 gradë Celsius.
Temperatura në rërë mund të mbahet me muaj të tërë, ndërsa gjatë muajve të dimrit mund të përdoret për ngrohjen e objekteve rezidenciale dhe komerciale. Përveç kësaj, kjo siguron nxehtësinë e nevojshme në disa procese prodhimi.
Bota aktualisht mbështetet në lëndët djegëse fosile dhe shumica e baterive janë bërë nga litiumi, i cili është një burim i shtrenjtë dhe i pakët. Shfrytëzimi i tij sjell pasoja negative për mjedisin.
Bateritë, të cilat janë prodhuar në Finlandë, mund të përmbajnë qindra metra kub rërë dhe mund të vendosen nën sipërfaqen e tokës.
Por problemi është se ka gjithnjë e më pak rërë në botë. Nga ana tjetër, kompania Polar Night Energy, si krijuese e baterisë, pretendon se mund të përdoret rërë me cilësi të ulët ose materiale të ngjashme me rërën. bbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
