Cila është arsyeja që e çoi CEO-n e Uber drejt dorëheqjes? - Business Magazine Albania

Cila është arsyeja që e çoi CEO-n e Uber drejt dorëheqjes?


Është zyrtare: Themeluesi i Uber, Travis Kalanick ka dhënë dorëheqjen si CEO i kompanisë.

Lajmi u bë i ditur sot në mëngjes nga New York Times:

Travis Kalanick dha dorëheqjen si CEO i Uber, shërbim të cilin ai e themeloi në vitin 2009, pasi revolta e një aksioneri ia bëri të pamundur të qëndronte në kompani.

Raporti tregon se 5 nga investitorët më të mëdhenj të Uber u mblodhën për të kërkuar dorëheqjen e menjëhershme të CEO-s, me një letër të titulluar “Të çojmë Uber përpara”.

Lexoni: Bota udhëheqëse e Uber

Ata thanë që kompanisë i duhej “Një ndryshim në lidership”. Pas diskutimeve të shumta, Kalanick pranoi.

Këto kohë kanë qenë shumë të vështira për ish CEO-n, mamaja e të cilit ndërroi jetë muajin e kaluar nga një aksident me varkë (duke e lënë edhe babain e tij me lëndime të thella). Megjithatë, Kalanick do të mbetet në bordin drejtues të kompanisë.

“Unë e dua Uber më shumë se gjithçka në botë dhe në këtë moment të vështirë të jetës time personale, unë kam pranuar kërkesën e investitorëve që të jap dorëheqjen në mënyrë që Uber t’i kthehet zhvillimit të mëtejshëm,” tha Kalanick.

Si një publikim i vetëm në një blog nisi gjithçka?

Unë e kam ndjekur Uber që nga fillimi, duke e parë kompaninë si një rast studimi mbreslënës në leadership, branding, strategji dhe kulturën e organizatës.

Lexoni: 4 gjërat që punonjësit kërkojnë nga lideri i tyre

Kështu që unë, bashkë me mijëra njerëz të tjerë, u tmerrova kur lexova deklaratën e një inxhiniereje të Uber, Susan Fowler. Në një publikim tek faqja e saj personale, titulluar “Duke reflektuar për një vit shumë, shumë të çuditshëm në Uber,” Fowler akuzoi shumë anëtarë të grupit të menaxhimit për:

  • ngacmime seksuale;
  • diskriminim gjinor;
  • shpërqëndrime të qëllimshme;
  • sabotim;
  • kërcënime ilegale për heqje nga puna.

Fatkeqësisht, deklarata të tilla rrallë merren në konsideratë nga kompani të mëdha.

Por këtë radhë ishte ndryshe.

Në 4 muajt që kur Fowler publikoi akuzën, këto ngjarje kanë ndodhur:

  1. Bordi i Uber bëri një investigim të thellë, të drejtuar nga avokati Eric Holder;
  2. Disa nga ekzekutivët e kompanisë dhanë dorëheqjen ose u pushuan nga puna;
  3. 20 punonjës të tjerë u pushuan për shkak të ngacmimeve, diskriminimeve dhe sjelljeve të papërshtatshme;
  4. Një anëtar i rëndësishëm në bordin e Uber u detyrua të jepte dorëheqjen pasi kishte bërë një koment diskriminues gjatë një mbledhje bordi;
  5. Wan Ling Martello, kreu i Nestle në Azi, iu bashkua Arianna Huffington për t’u bërë anëtarja e dytë femër e bordit të Uber;
  6. Vlera e aksioneve të Uber në SHBA pësoi rënie nga 84% në 77%, gjatë kohës që konkurrenti i tij, Lyft u zgjerua në 150 qytete të reja dhe fitoi pjesë tregu;

Themeluesi dhe CEO, Travis Kalanick u detyrua të japë dorëheqjen.

Por, mund të ndalemi për një moment për të vlerësuar iniciativën e inxhinieres, e cila vetëm me anë të një postimi në blog solli një ndryshim radikal.

Lexoni: Si të përballeni me ndryshimet e jetës ndërkohë që jeni shumë të zënë?

Çfarë mund të mësojmë nga gjithë kjo histori?

Duhet shumë kurajo për të qëndruar përballë asaj që beson, të zbulosh të vërtetën pavarësisht njerëzve kundër teje.

Për çdokënd që ndihet sikur e gjithë bota është kundër tij dhe se një zë i vetëm nuk është i mjaftueshëm, mbani mend historinë e Susan Fowler. Sepse ndonjëherë një zë i vetëm është i mjaftueshëm.

Burimi: inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0