Çfarë rezervoi "Forumi Vjetor i Profesionistëve të Rinj"? - Business Magazine Albania

Çfarë rezervoi “Forumi Vjetor i Profesionistëve të Rinj”?

Udhëheqës të rinj nga Ballkani Perëndimor u mblodhën në Tiranë javën e kaluar për Forumin Vjetor të Profesionistëve të Rinj me temën: “Bashkëpunimi, Siguria, Vlerat: NATO në një Botë në Ndryshim”.

Aktiviteti mblodhi së bashku 25 udhëheqës të rinj për të diskutuar marrëdhëniet transatlantike, rolin e NATO-s në rajon dhe zgjidhjet për çështjet komplekse të sigurisë.

Në njoftimin e Ambasadës Amerikane, mësohet se Carmen Romero, Zëvendës Ndihmës Sekretare e Përgjithshme e NATO-s për Diplomacinë Publike përshëndeti të ftuarit në një video-mesazh.

Edhe Chad Twitty, Shefi i Zyrës së Marrëdhënieve me Publikun në Ambasadën e SHBA në Tiranë dhe Bora Muzhaqi, Ministre për Rininë, u uruan mirëseardhjen udhëheqësve të rinj.

Diskutimet u fokusuan në sfidat globale dhe rajonale të sigurisë, përfshirë pushtimin e Ukrainës nga Rusia, fushatat e dezinformimit, kërcënimet e sigurisë kibernetike dhe mundësitë për më shumë bashkëpunim midis NATO-s dhe Ballkanit Perëndimor.

Folësit e tjerë përfshinin komandantin Eric Cote, Atashe i Lartë i Mbrojtjes në Ambasadën e SHBA, Ditmir Bushati, ish-Ministër i Punëve të Jashtme dhe ekspertë të tjerë nga organizata rajonale, think-tank, akademia dhe shoqëria civile.

Aktiviteti u organizua nga Rrjeti i Profesionistëve të Rinj me mbështetjen e Ambasadës së SHBA në Tiranë dhe Departamentit për Diplomaci Publike të NATO-s.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #33 - Nëntor 2023

Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.

Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.

Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.

Marjana Koçeku, …

Shiko më shumë
Na ndiqni në rrjetet sociale
0