Një detyrë e vështirë kjo, por mesa duket kreu i ri, Thomas Kurian e ka si qëllim për t’u zgjeruar dhe përfituar nga cloud computing.
Google Cloud mbetet ende larg Amazon dhe Microsoft në aspektin e të ardhurave globale, sipas vlerësimeve të analistëve. Disa kompani të mëdha menaxhojnë të dhënat e tyre në serverat e Google. Por Google nuk ka askënd pranë bazës së gjerë të klientëve të Amazon, sipas një analize të re të dosjeve rregullatore të kompanisë.
Lexoni: Microsoft pranon se nuk mund të konkurojë Amazon dhe Google në luftën e asistentëve të zërit
Kurian është zotuar të dyfishojë të ardhurat aty ku Google ka parë rezultate premtuese. Në mënyrë të veçantë, ai synon qeveritë dhe kompanitë më të mira në sektorin e shitjes me pakicë, prodhim, kujdes shëndetësor, media dhe financa.
“Ajo që kemi në fokus është që të sigurohemi që organizata jonë e shitjeve të ketë background-in dhe aftësinë për t’u shitur kompanive të mëdha dhe atyre tradicionale,” tha Kurian në një konferencë investitorësh të Goldman Sachs javën e kaluar. “Ka shumë mundësi që këto kompani të marrin në konsideratë Google.”
Persona të njohur me planet e tij thanë se ai po kërkon të riformojë kulturën e kompanisë. Një pjesë kyçe është zhvillimi ose marrja e aplikacioneve të korporatave të përshtatshme për industrinë, të lehta për t’u përdorur, një zonë që Amazon dhe Microsoft nuk dominojnë.
Kurian gjithashtu duhet të sigurojë disa investitorë nga ambiciet e reja të Google: Diversifikimi i të ardhurave përtej reklamave është një plus, por nuk po vjen falas.
Lexoni: Një komandë e re në Google ju tregon nëse fjalëkalimi juaj është i pasigurtë
Plani i Kurian
Për të tërhequr klientë tradicionalë të korporatave, Google Cloud do të duhet të bëjë kërkime të vazhdueshme. Kurian është personi më i përshtatshëm për këtë pozicion. Dy nga kolegët e tij të mëparshëm thanë se zbulimet e tij të vazhdueshme dhe të sinqerta rreth kufizimeve të prodhimeve ndihmuan në marrëveshjet e vulave në Oracle.
Kurian impresionoi stafin me përgatitjen, si dhe përkujdesjen e tij ndaj detajeve më të vogla nga vitet e mëparshme. Kurian gjithashtu arriti miliarda dollarë nga blerjet në Oracle, duke përfshirë blerje nga firmat softuerike BEA Systems dhe Taleo.
Lexoni: Google “mburret” me Pixel 3 për këto veçori
Kurian tha para konferencës së investitorëve se “do të na shihni që do të vazhdojmë të zgjerojmë gjurmët tona në cloud computing”.
burimi: reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
