Një komandë e re në Google ju tregon nëse fjalëkalimi juaj është i pasigurtë

Ekziston një haker i mirë, i cili njeh fjalëkalimet tuaja të preferuara. Google ka vënë në dispozicion një komandë të re që do t’ju bëjë të mundur të kuptoni nëse dikush po merr fjalëkalimin tuaj. Përdoruesit e Google Chrome mund të shkarkojnë një aplikacion që monitoron të gjitha hyrjet në internet. Nëse dikush do të provojë të futet në një adresë që nuk është e tij, atëherë përdoruesit të adresës do t’i shkojë menjëherë njoftimi  që dikush po synon t’i hakerojë adresën. Kjo paralajmëron përdoruesin që të ndryshojë fjalëkalimin.

Hakerët përgjegjës për shkeljet e të dhënave në faqet si Yahoo ose LinkedIn nganjëherë dërgojnë baza të mëdha të dhënash të emrave të përdoruesve të njerëzve dhe fjalëkalimeve në internet. Për shkak se shumë njerëz përdorin të njëjtat fjalëkalime nëpër faqe, hakerat mund të përpiqen të përdorin informacionin për të fituar hyrjen në llogari të tjera për qëllimet e tyre jo të mira.

Komanda, e cila është e disponueshme vetëm në shfletuesit e Chrome, është projektuar nga ekspertë të kriptografisë në Universitetin Stanford dhe Google. Google tashmë mund të rivendosë automatikisht fjalëkalimet e njerëzve për aplikacionet dhe vendet  kur Google përcakton se mund të jenë ekspozuar.

Komanda e re nuk do të jetë në gjendje të rivendosë automatikisht fjalëkalimet për shërbimet që nuk i përkasin Google, por është një mënyrë për t’i bërë këto llogari më të sigurta.

Ndërsa zgjerimi është i ri në Chrome, ekzistojnë disa shërbime të tjera të ngjashme. Menaxherët e fjalëkalimeve si Dashlane dhe 1Password do të monitorojnë identifikimet dhe do të informojnë njerëzit kur kredencialet e tyre janë komprometuar.

CNN