Sorrat po angazhohen për të mbledhur filtrat e cigareve nga rrugët dhe sheshet e një qyteti suedez si pjesë e një nisme për uljen e kostos për këtë punë. Si shpërblim marrin pak ushqim për secilën cigare që e vendosin në një makinë të dizajnuar nga një kompani e re në Södertälje, afër Stokholmit.
“Ata janë zogj të egër që po marrin pjesë vullnetarisht”, tha Christian Gunther-Hanssen, themelues i kompanisë “Corvid Cleaning”, e cila qëndron prapa kësaj metode kreative.
Fondacioni “Mbaje Suedinë të Pastër” thotë se më shumë se një miliard filtra cigaresh të përdorura lihen në rrugët e Suedisë çdo vit, duke përbërë 62 për qind të të gjitha mbeturinave.
Lexo: Lufta për nikelin: ‘Po shkatërrojnë të ardhmen tonë’
Qyteti ku po realizohet projekti shpenzon 20 milionë krona suedeze ose rreth 1.9 milion euro për pastrimin e rrugëve.
Gunther-Hanssen vlerëson se metoda e tij do të mund të kursente të paktën 75 për qind të kostos që ka të bëjë me mbledhjen e filtrave të cigareve të hedhura në qytet.
Autoritetet lokale janë duke zhvilluar fillimisht një projekt pilot para se ta marrin vendimin për zbatimin e kësaj metode në tërë qytetin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
