Bain citon disa faktorë për këtë vit të suksesshëm, duke përfshirë shpenzime robuste nga konsumatorët kinezë dhe një rritje në turizmin europian. Faktori tjetër kryesor i kësaj rritje gjithashtu do të përcaktojë tregun e luksit për dekadën e ardhshme e më tej: Mënyra e konceptimit dhe idetë e Millennials.
Që nga viti 2025, Bain parashikon që Millennials do të jenë përgjegjës për 45% të tregut global të të mirave të luksit. Kjo krijon mundësi të mëdha për shumë marka, por njëkohësisht krijon dhe vështirësi, sepse Millennials mendojne ndryshe nga gjeneratat paraardhëse.
Lexoni: Marcus Lemonis këshillon të rinjtë: “Bëni çdo punë dhe mos jetoni me prindërit tuaj”
“Millennials kanë paradigmë shumë më të ndryshme se të prindërve të tyre, sidomos në shtetet më të zhvilluara. Ata janë gjenerata e parë që jetën e një adulti e kanë përballuar në kushte më të vështira ekonomike. Ata kanë një vizion më laik të botës: p.sh. familja dhe feja nuk luajnë një rol shumë të rëndësishëm në jetën e tyre. Gjithashtu Millennials bëjne pjesë në revolucionin dixhital, i cili sjell një këndvështrim të ri për kohën, hapësirën dhe mundësitë. Gjithçka është e mundur,” tha Claudia D’Arpizio.
Gjithë këto ndryshime nënkuptojnë se konsumimi interpretohet ndryshe nga Millennials. Konsumimi i produkteve tregon se kush je, prandaj Millennials janë më të përkushtuar se brezat paraardhës,” shton D’Arpizio.
Millennials vlerësojnë më shumë eksperiencat sesa produktin, që do të thotë se eksperienca e një blerje, në dyqan ose online, duhet të bëhet më interaktive që konsumatori të ndihet sikur është pjesë e markës. Përndryshe, ç’vlerë ka të dalësh nga shtëpia për të blerë?
Por të gjitha markat e luksit kanë punë për të bërë nëse duan të tërheqin Millennials. Markat me një avantazh për të joshur Millennials janë ato marka, të cilat kanë lënë pas zakonet e vjetra të luksit dhe janë duke u fokusuar në kërkesat e Millennials, në vizionin futuristik më shumë se atë të shkuar dhe duke qenë të hapur për bashkëpunime të mëtejshme me kompani të sektorëve të ndryshme.
Lexoni: Përse të rinjtë nuk blejnë më makina dhe apartamente?
Aspekti tjetër i mënyrës së koceptimit dhe ideve të Millennials është që kjo gjeneratë është shumë më inovative se të tjerat, sidomos në pikëpamjen e sipërmarrjes. Nëse ata nuk gjejnë një markë, e cila i përshtatet preferencave të tyre, ata krijojnë një markë të tyren.
“Unë vërtet mendoj se bota e luksit po kalon një fazë transformimi, po aq i fortë sa ai i viteve ’70 dhe ’80, i cili krijoi tregun e luksit që në njohim ditët e sotme.”
Burimi: forbes.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
