Alphatechs: “Siguria digjitale është esenciale, jo luks!”

Rëndësia e sigurisë kibernetike po rritet në mënyrë eksponenciale në një epokë ku kërcënimet kibernetike po bëhen gjithnjë e më të sofistikuara dhe shumë të përhapura. Midis kompanive që janë në “vijën e parë të luftës” kundër këtyre kërcënimeve është Alphatechs, një ndër pionierët në fushën e sigurisë dixhitale. Në këtë intervistë të veçantë, Mateo Gosnishti , një prej bashkëthemeluesve ndan një vështrim të thellë mbi filozofinë dhe qasjen e tyre inovative, që ka ndryshuar mënyrën se si bizneset mbrohen nga sulmet kibernetike.

1.Cila është historia dhe vizioni që çoi në themelimin e Alphatechs?
Alphatechs u krijua nga një vizion i qartë dhe i drejtuar nga përvoja: pas dekadave të suksesshme në biznese brenda dhe jashte vendit me teknologji të avancuara, themeluesit, Mateo dhe Brenton, vendosën të përdorin njohuritë e tyre për të themeluar një kompani në fushën e sigurisë kibernetike. Alphatechs filloi me një ide të thjeshtë por të fuqishme: të ndërtojmë një kompani sigurie kibernetike që ofron maksimumin e vlerës për klientët tanë dhe të ndjekim gjithmonë ritmin e shpejtë të teknologjisë.

2.Si i qaseni sfidave të sigurisë kibernetike dhe çfarë e bën qasjen tuaj unike?
Çdo sfidë në sigurinë kibernetike është unike, prandaj qasja jonë është e personalizuar plotësisht. Ne besojmë në një dialog të hapur dhe të vazhdueshëm me klientët tanë për të kuptuar dhe adresuar nevojat e tyre specifike. Përdorimi i teknologjive inovative dhe një qasje fleksibël na lejon të zhvillojmë ide dhe zgjidhje të reja dhe efikase që mbrojnë të dhënat dhe privatësinë e klienteve në mënyrën më të mirë të mundshme.

3.Cilat janë teknologjitë dhe metodat kryesore që përdorni për të parandaluar kërcënimet kibernetike?
Për të luftuar kërcënimet kibernetike, ne aplikojmë një gamë të gjerë teknologjish, duke përfshirë inteligjencën artificiale dhe mësimin automatik, të kombinuara me praktika të forta të sigurisë operative. Pika jonë e fortë është përdorimi strategjik i këtyre teknologjive, duke u përditësuar në kohë reale për të adresuar kërcënimet emergjente, gjë që e bën qasjen tonë jo vetëm efikase por edhe proaktive.

4.Si e mbani veten dhe ekipin tuaj të azhornuar me zhvillimet më të fundit në fushën e sigurisë kibernetike?
Edukimi dhe trajnimi i vazhdueshëm janë kritikë për të qëndruar në krye të fushës së sigurisë kibernetike. Ne kultivojmë një mjedis të hapur ku njohuritë ndahen lirshëm, dhe ku debatet e shëndetshme dhe bashkëpunimi ndërmjet kolegëve inkurajohen. Kjo ndihmon në mbajtjen e ekipit tonë jo vetëm të informuar, por gjithashtu të motivuar dhe të angazhuar me trendet dhe sfidat më të fundit.

5.A mund të na tregoni për ndonjë rast konkret ku Alphatechs ka arritur të neutralizojë një kërcënim të madh për një klient?
Një nga arritjet tona më të mëdha ishte rasti i kompromentimit te nje kompjuteri, ku sulmuesit kishin akses ne sistemet e brendshme te nje kompanie si dhe ne internet banking. Duke pasur kete informacion konfidencial, sulmuesit po perpiqeshin te benin transaksione me vlera te medha. Alphatechs beri zbulimin, analizimin, dhe largimin e sulmuesve nga keto sisteme duke i kursyer klientit shumë humbje, dhe duke i ofruar zgjidhje teknologjike parandaluese.

6.Si e vlerësoni suksesin e masave të sigurisë që zbatoni për klientët tuaj?
Suksesi ynë matet më shumë nga siguria dhe qetësia që ofrojmë për klientët tanë sesa nga statistikat tradicionale. Çdo falënderim nga një klient që ndihet më i sigurt pas ndërhyrjes sonë është një dëshmi e suksesit tonë, dhe kjo na motivon të vazhdojmë dhe të përmirësohemi çdo ditë.

7.Çfarë këshillash do t’i jepnit bizneseve të vogla për të mbrojtur veten nga kërcënimet kibernetike?
Bizneset e vogla duhet të kuptojnë se siguria kibernetike është esenciale, jo një luks. Rekomandojmë të filloni me hapat bazë – si përditësimet e rregullta të software-it dhe trajnime të stafit për phishing – dhe gradualisht të ndërtoni një strategji më të thellë. Alphatechs është këtu për të ofruar ndihmë dhe konsulencë në çdo hap.

8.Si e shihni të ardhmen e sigurisë kibernetike dhe rolin e Alphatechs në këtë peizazh?
Ndërkohë që teknologjia avancon, krimi kibernetik avancon akoma dhe më shpejt. Alphatechs është e përkushtuar për të qenë në vijën e parë të mbrojtjes. Duhet punë dhe pasion për të mbrojtur të ardhmen digjitale.

9.A ka ndonjë projekt apo inovacion të ri që Alphatech po punon aktualisht?
Tani jemi në fazën finale të zhvillimit të Sphere, produktit tonë të parë të sigurisë kibernetike. Sphere synon të sjellë një nivel të ri të sigurisë parandaluese për bizneset dhe institucionet duke kombinuar teknologji të avancuara.

Ndërsa bota digjitale vazhdon të evoluojë, ashtu edhe sfidat e sigurisë që vijnë me të. Alphatechs jo vetëm që ka vendosur një standard të ri në industri, por vazhdon të përshtatet dhe të inovojë për të mbajtur hapin me këto ndryshime të shpejta. Me një kombinim të teknologjisë së avancuar dhe një ekip të dedikuar që qëndron gjithmonë në vijën e parë të mbrojtjes, Alphatechs është më shumë se një ofrues shërbimesh; është një partner i vërtetë në ndërtimin e një të ardhmeje më të sigurt për të gjithë ne. Për ata që janë në kërkim të një mburoje kundër kërcënimeve të ardhshme, Alphatechs do të vazhdojë të jetë një emër kyç në peizazhin e sigurisë kibernetike.