Ministria e Zhvillimit Ekonomik, Turizmit, Tregtisë dhe Sipërmarrjes informon se pranë drejtorive të saj trajtohet çdo ankesë lidhur me shërbimet apo produktet jo ushqimore që konsumatorëve u ofrohen sot në treg. “Tashmë konsumatori mund të aplikojë online për çdo ankesë që ai ka me tregtarin”, bëjnë të ditur burime zyrtare të MZHETTS-së.
Sipas burimeve të mësipërme, për t’u ardhur më pranë gjithë konsumatorëve, MZHETTS në bashkëpunim me bashkitë ka krijuar zyrat e mbrojtjes së konsumatorit, fillimisht si projekt pilot në tre bashki: Elbasan, Lushnje, Tepelenë.
“Në këto bashki po zhvillohet një fushatë ndërgjegjësimi dhe një sërë aktivitetesh për të informuar dhe fuqizuar rolin e konsumatorit në mbrojtjen e interesave ekonomike të tij në treg”, thonë burimet.
Në Ministrinë e Zhvillimit Ekonomik, Turizmit, Tregtisë dhe Sipërmarrjes, në Drejtorinë e Tregut të Brendshëm, sektori i Mbrojtjes së Konsumatorit, po harton dhe adopton politikat më të mira europiane ku konsumatori shqiptar të ketë të njëjtat të drejta me ata europiane dhe të jetë i mbrojtur në të njëjtën mënyrë.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
