Ndryshimet ligjore për pasaportat dhe dokumentet biometrike do t’u hapin rrugë shumë shpejt prodhimit të dokumenteve digjitale të identifikimit.
Ministri i Brendshëm Taulant Balla tha në konferencën për mediet pas mbledhjes së qeverisë se “përgatitja e ndryshimeve ligjore për pasaportat dhe dokumentet biometrikë, ka të bëjë me një ndryshim të rëndësishëm, që u përgjigjet zhvillimeve teknologjike të kohës”.
“Shqipëria duhet të emetojë sa më shpejt të jetë e mundur, e ne po punojmë me kompaninë, që ligji të na mundësojë prodhimin edhe të dokumenteve digjitale të identifikimit”, u shpreh Balla.
Lexo: Komunitet brenda kompanisë, risia e idesë së Arbëreshit Carlo Pellicano
Sipas tij, synimi është që të gjitha dokumentet që mbajnë qytetarët në portofolë si ID, patenta, kartela bankare etj., të jenë digjitale, të mbahen në telefonin e gjithsecilit.
“Ndaj, ky ligj është i rëndësishëm, pasi i hap rrugën kompanisë që të ecë me prodhimin e dokumenteve digjitale”, theksoi Balla.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
