Popullsia në moshë pune (15-64 vjeç) në Shqipëri është reduktuar ndjeshëm nga 1,903,987 në vitin 2011 në 1,555,080 në vitin 2023, një rënie prej 18.3%. Grupmoshat 15-19 dhe 20-24 vjeç pësuan tkurrjet më të mëdha, përkatësisht me 46.8% dhe 41%. Grupmoshat 25-29, 40-44 dhe 45-49 vjeç u reduktuan me rreth 25%. Ndërkohë, popullsia në prag pensioni (60-64 vjeç) u rrit me 48.8%, dhe grupmosha 45-59 vjeç me 9.6%.
Në vitin 2011, popullsia në moshë pune përbënte 68% të popullsisë totale, ndërsa në vitin 2023 përbënte 64%. Reduktimi i popullsisë në moshë pune pritet të ndikojë negativisht në treguesit e punësimit. Në fund të vitit 2023, 1,243,085 persona ishin të punësuar zyrtarisht, përbërës 80% të popullsisë në moshë pune.
lexo:7 motorët më të mirë të kërkimit që respektojnë të dhënat tuaja
Raporti i varësisë së të rinjve ra nga 30.4% në 2011 në 24.0% në 2023, ndërsa raporti i varësisë së të moshuarve u rrit nga 16.7% në 2011 në 30.4% në 2023. Kukësi ka raportin më të lartë të varësisë së të rinjve (31.8%) dhe më të ulët të varësisë së të moshuarve (19.9%), ndërsa Gjirokastra ka raportin më të ulët të varësisë së të rinjve (19.0%) dhe më të lartë të varësisë së të moshuarve (46.1%). Mosha mesatare e popullsisë është rritur nga 35.3 vite në vitin 2011 në 42.5 vite në vitin 2023.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
