Një panair për edukim, trajnim dhe punësimin e të rinjve është organizuar të martën në qytetin e Vlorës.
Panairi është organizuar në kuadrin e nismës “Panair në çdo qark”, nga Ministrja e Shtetit për Rininë dhe Fëmijët, Bora Muzhaqi.
Ajo vlerësoi pozitivisht angazhimin e të rinjve në këtë panair, në mënyrë që secili prej tyre të merrte më të mirën për zhvillim e tyre personal, akademik dhe profesional.
“Përveç prezantimit me projektet kombëtare që po zbatojmë për të rinjtë, si Programi i Kodimit, Programi Kombëtar i Praktikave të Punës dhe Garancia Rinore që do të implementojmë së shpejti, ne sot kemi pranë nesh edhe aktorë lokal që secili prej jush të informohet për mundësi reale edukimi, trajnimi dhe punësimi” tha ministrja Muzhaqi.
Ajo tha se ky aktivitet është pjesë e një liste të gjatë nismash që po ndërmerren në çdo qark me qëllim informimin e të rinjve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
