Zhvillimi i vrullshëm i teknologjisë ka ndikuar në përmirësimin e shumë sektorëve, mjekësia është një prej tyre. Të martën e 21 janarit Presidenti Trump njoftoi investimin prej 500 miliardë dollarësh për krijimin e infrastrukturës së AI. Kompania Stargate, që vjen si një bashkëpunim mes OpenAI, SoftBank dhe Oracle. Kjo nismë ka si synim krijimin e qendrave të të dhënave dhe vendeve të punës, duke rritur rolin e AI në kujdesin shëndetësor.
Lexo gjithashtu: 500 mld dollarë për infrastrukturën e AI në SHBA, Trump njofton fillimin e partneritetit
Gjatë fjalimit, Larry Ellison i Oracle shpjegoi se si AI mund të transformojë kujdesin shëndetësor. Fragmente të vogla të tumorit mund të qarkullojnë në gjakun e një personi, duke lejuar mundësinë e zbulimit të hershëm të kancerit përmes testeve të gjakut. AI mund të përdoret për të analizuar këto teste dhe për të identifikuar kancerin që në fillim. Pasi tumori kanceroz të sekuencohet me gjene, mund të krijohet një vaksinë e individualizuar për çdo pacient. Duke përdorur AI, vaksina mRNA mund të prodhohet në mënyrë robotike në vetëm 48 orë, duke ofruar trajtim të shpejtë dhe të personalizuar.
Ellison tha se qendrat e para të të dhënave të projektit janë tashmë në ndërtim e sipër në Teksas. Njëzet do të ndërtohen, gjysmë milioni metra katror secila, tha ai. Projekti mund të fuqizojë AI që analizon të dhënat elektronike shëndetësore dhe ndihmon mjekët të kujdesen për pacientët e tyre.
Aktualisht ende nuk ka nisur prova e tyre, megjithatë aktorët e këtij zhvillimi teknologjie janë besimplotë për të ardhmen e Inteligjencës Artificiale edhe në këtë sektor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
