Një përvojë në konsolidim, që kërkon në mënyrë institucionale të dëgjohet biznesi me shqetësimet e tij, por edhe të promovohet.
Në Tiranë, Shkodër, Korçë dhe Vlorë do të shpaloset java ndërkombëtare e sipërmarrjes.
“Java fillon më 13 dhe mbaron më 19 nëntor. Do të jetë e mbushur me 60 evente të ndryshme, të cilat organizohen nga 35 organizatorë, që janë biznese, qeveria, universitete apo organizata ndërkombëtare që mbështesin zhvillimin e biznesit,” thotë ministrja e shtetit për Sipërmarrjen dhe Klimën e Biznesit, Delina Ibrahimaj.
Më 13–19 nëntor një seri e larmishme veprimtarish diskutojnë se “çfarë i mungon ekosistemit shqiptar?”, por edhe pritshmëritë mbi rëndësinë, vëmendjen dhe kujdesin ndaj sipërmarrjes.
Historitë e sipërmarrësve të suksesshëm nuk do të mungojnë përgjatë këtyre ditëve.
Do të ketë sipërmarrës që kanë nisur me hapa të vegjël dhe sot kërkojnë të arrijnë katër anët e globit.
“Gjatë kësaj jave, me qëllim rritjen e bashkëpunimit dhe bashkëveprimit nëpërmjet aktorëve të ndryshëm për të nxitur inovacionin, zhvillimin ekonomik, dialogun apo edhe diskutimin për çështje që kanë rëndësi për biznesin dhe duhet të zgjidhen bashkërisht,” shprehet znj. Ibrahimaj.
Autoritetet thonë se do të diskutojnë së bashku për Shqipërinë e së ardhmes.
Javë të mbarë biznesit vendas dhe të huaj!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
