Viti 2023 shënoi jo vetëm numër më të lartë të turistëve, por edhe rritje të netëve të qëndrimit. Të dhënat e fundit të publikuara nga Eurostat për net-qëndrimet në akomodimet turistike për gjithë Europën tregojnë se netët e kaluara në strukturat akomoduese gjatë vitit 2023 në Shqipëri, mbajnë rekord, ato u rritën me 56.8% në krahasim me vitin 2022, ndërsa ishin 84.7% më të larta se në 2019-n, përpara se të fillonin kufizimet e pandemisë.
Rritja e kohës së qëndrimit të turistëve në Shqipëri, është shumë e lartë në krahasim me mesataren e Bashkimit Europian, por dhe me shtetet e tjera të Europës. Mesatarja e Bashkimit Europian ka një zgjerim prej 6.1% të net-qëndrimeve në 2023 në raport me 2022-n, ndërsa në krahasim me 2019- është 1.4%. Shteti i dytë më rritjen më të lartë të net-qëndrimeve pas Shqipërisë është Malta me 20.5% dhe Qipro me 20%, në krahasim me 2022-n.
Rritje të lartë u shënua si për turistët e brendshëm ashtu dhe ato ndërkombëtarë. Në 2023, net-qëndrimet e vizitorëve ndërkombëtare në Shqipëri u rritën me 81.7%, nga -0.3% që ishte ndryshimi për Bashkimin Europian. Shteti i dytë me ecurinë më të mirë të net-qëndrimevetë vizitorëve ndërkombëtare ishte Serbia me 39.3%.
Lexo: Vala e podcast-eve: A po e zëvendëson median tradicionale trendi i ri?!
Net-qëndrimet nga vizitorët vendas në Shqipëri u rritën me 90.3%, nga 2.8% mesatarja e Bashkimit Europian, ndërsa vendin e parë e zuri Islanda, me 109.3%.
Gjatë vitit të shkuar Shqipëria u vizuta nga 10.1 milionë turistë të huaj, ndërsa këtë vit pritet që numri i tyre të rritet me 30-40 %.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
