Facebook do të blejë një kompani që mundëson kontrollin e kompjuterëve me mendjen tuaj

Facebook ka njoftuar se është duke u interesuar për CTRL-Labs, një kompani e themeluar para katër vitesh, për të punuar në atë që njihet si “informatikë e trurit”. Raporti i publikuar nga Bloomberg, pretendon se Facebook po paguan 500 milionë deri në një miliard dollarë, për të blerë këtë kompani.

Lexoni: Facebook do të lançojë monedhën dixhitale Libra vitin tjetër

CRTL-Labs me vendndodhje në New York, ka mbledhur 60 milionë euro nga investitorë si Google dhe Amazon.

Thomas Reardon është themeluesi dhe drejtori i përgjithshëm i CTRL-Labs, që do të bashkëpunojë me Facebook.

Rripi i CTRL-Labs do të dizenjohet për të ‘dekoduar’ sinjalet që dërgohen nga neuronet në palcën kurrizore, që i tregojnë muskujve të trupit të njeriut se si duhet të lëvizin. Sinjalet, do të përkthehen në sinjale dixhitale që një pajisje mund t’i kuptojë.

Lexoni: Produkti i ri i Facebook-ut mund të jetë më i dobishmi

Ky rrip, i kupton qëllimet tuaja në mënyrë që ju të keni mundësinë të bëni një fotografi me ndonjë mik tuajin duke përdorur një lëvizje të paperceptueshme.

Ky rrip i dorës, për një kohë të caktuar nuk mund të vihet në përdorim nga konsumatorët, bazuar në njoftimin e një përfaqësuesi të Facebook, që ka thënë se është disa vjet larg të qenit në dispozicion për konsumatorët.

Shikoni një video të CEO-s së CTRL-Labs, Thomas Reardon, duke demonstruar teknologjinë:

https://www.youtube.com/watch?v=D8pB8sNBGlE

BusinessInsider