Facebook do të lançojë monedhën dixhitale Libra vitin tjetër
Përditësuar së fundmi: 23/09/2019

Facebook do të lançojë monedhën dixhitale Libra vitin tjetër

Share
nga Eridon Elshani
Sht 23, 2019
-Manages Business Mag Kosovo
lexo me teper >

David Marcus, kreu i projektit të monedhës dixhitale të Facebook, Libra, tha se kompania mbetet e vendosur për ta lançuar vitin e ardhshëm, pavarësisht presionit në rritje.

Marcus tha për gazetën zvicerane NZZ se, Facebook është ende në rrugën e duhur për të lançuar monedhën dixhitale në vitin 2020.

“Qëllimi ynë kryesor është të lançojmë Libra-n vitin e ardhshëm. Deri atëherë, ne do të duhet t’i adresojmë të gjitha pyetjet në mënyrën e duhur dhe të krijojmë një mjedis të përshtatshëm për organet ligjore”.

Lexoni: Çfarë është Libra? Çdo gjë që duhet të dini rreth kriptomonedhës së Facebook

Që kur u njoftua zyrtarisht në qershor, Libra është kritikuar në masë të madhe nga organet ligjore në të gjithë globin. Ato janë të shqetësuara për ndikimin që do të ketë monedha. Libra raportohet se do të përbëhet nga një organizatë prej 28 anëtarësh që do të mbikëqyrin projektin për të ofruar besim dhe siguri më të madhe.

Marcus tha se nuk ka të ngjarë që Libra të bëhet një bazë kryesore për transaksionet në botën reale. Në vend të kësaj, ai e shikon projektin si një mjet për pagesa ndërkufitare dhe zgjidhje për shumat e vogla.

Ai tha, “Është e vështirë që njerëzit të paguajnë me Libra-n një kafe në Zvicër, Gjermani ose Francë, në të ardhmen”.

Marcus gjithashtu theksoi sfidën e adaptimit të përdoruesit, si pengesë e madhe për monedhën dixhitale të Facebook-ut.

Cryptoglobe



Evente