Produkti i ri i Facebook-ut mund të jetë më i dobishmi » Business Magazine Albania – Media Dixhitale dedikuar Sipërmarrjes
Përditësuar së fundmi: 08/09/2019

Produkti i ri i Facebook-ut mund të jetë më i dobishmi

Share
nga Eridon Elshani
Sht 08, 2019
-Manages Business Mag Kosovo -Studies Philosophy at University of Prishtina
lexo me teper >

Nga Jason Aten, shkrimtar

Facebook sapo ka lançuar projektin e ri “Takim në Facebook”.

Nëse mendoni se është shaka, nuk është kështu. Edhe investitorët në platformën më të madhe të takimeve, Match.com, me sa duket nuk mendojnë kështu. Pasi Facebook e lançoi produktin e ri, aksionet e kësaj kompanie ranë 7 përqind që do të thotë se Facebook ka potencialin të ketë një ndikim të madh në këtë treg.

Lexoni: Çfarë është Libra? Çdo gjë që duhet të dini rreth kriptomonedhës së Facebook

Facebook tashmë e di se çfarë ju pëlqen, cilat vende i frekuentoni, çfarë muzike dëgjoni, me kë shoqëroheni dhe me siguri ka një ide mjaft të mirë se kush do të ishte tipi që ju përshtatet. Në fakt, njoftimi i kompanisë e thotë saktësisht këtë:

“Takim në Facebook e bën më të lehtë gjetjen e një lidhje dashurie përmes asaj që ju pëlqen – duke ju ndihmuar të filloni marrëdhënie kuptimplote përmes gjërave që keni të përbashkëta, si interesat, ngjarjet dhe grupet.”

Facebook do t’ju lejojë të krijoni një profil të Takimit në Facebook (i cili do të jetë veçuar nga profili juaj normal) dhe do t’ju ndihmojë të përputheni me përdoruesit e tjerë që gjithashtu kanë krijuar një profil të tillë. Këto përputhje bazohen në interesa të përbashkëta dhe shumë gjëra të tjera.

Ju gjithashtu mund t’i postoni fotot tuaja të Instagram-it drejtpërdrejt në profilin tuaj të takimit.

Po, është paksa e çuditshme kur mendoni për këtë por Facebook gjithashtu thotë se “ka punuar me ekspertë për të mbrojtur Facebook Dating nga kërcënimet e mundshme që nga fillimi, duke përfshirë aftësinë për të raportuar dhe bllokuar këdo; duke ndaluar njerëzit që të dërgojnë foto, linqe, pagesa ose video në mesazhe dhe duke siguruar qasje të lehtë në këshilla të sigurisë. ”

Është e vërtetë që Facebook grumbullon një sasi alarmante të informacionit tuaj personal, e përcjell pothuajse çdo faqe në internet që vizitoni dhe çdo aplikacion që përdorni.. Sidoqoftë, jam vërtet i impresionuar që kompania në të vërtetë gjeti diçka të dobishme për të bërë me gjithë atë informacion.

E kam seriozisht.

Takimet janë të dhimbshme.

Lexoni: Facebook ka qenë duke i dëgjuar bisedat tona në Messenger

Sigurisht, jam i martuar por mbaj mend se si ishte të mos martohesh.

Nëse Facebook mund ta bëjë këtë proces më pak të dhimbshëm, atëherë është mirë për ta. Dhe është interesante se shumica e njerëzve beqarë e konsiderojnë Facebook-un si një nga mënyrat më efektive për të takuar njerëzit.

‘Lidhja’ perfekte.

Ashtu siç LinkedIn bëri për kërkimin e punës dhe rekrutimin, Facebook mund të jetë në gjendje ta bëjë këtë për takimet.

Sigurisht, ekziston edhe një çështje: A dëshironi që Facebook ta përdorë informacionin tuaj për diçka aq personale sa takimi? Ndoshta jo, por Facebook veç është duke e bërë atë. Tashmë ju lidh me “Njerëzit që mund t’i njihni”, dhe padyshim që përpiqet t’ju lidhë me “reklamuesit që dëshirojnë të ju shesin diçka.”

INC