Facebook ka qenë duke i dëgjuar bisedat tona në Messenger


Facebook Inc. ka paguar qindra kontraktues të jashtëm për të transkriptuar bisedat e përdoruesve të Messenger-it, sipas ekspertëve.

Të mërkurën, Komisioni Irlandez për Mbrojtjen e të Dhënave, i cili kryeson në mbikëqyrjen e Facebook-ut në Europë, tha se ishte duke e shqyrtuar aktivitetin e Facebook-ut për shkelje të mundshme të privatësisë së Bashkimit Europian.

Facebook e konfirmoi se ka qenë duke transkriptuar audio-në e përdoruesve dhe tha se nuk do ta bëjë më këtë, pas diskutimit me kompanitë tjera. “Ashtu si Apple dhe Google, ne e ndalëm transkriptimin e audios më shumë se një javë më parë,” tha kompania të Martën.

Kompanitë e mëdha të teknologjisë, duke përfshirë Amazon.com Inc. dhe Apple Inc., janë akuzuar për grumbullimin e të dhënave në audio nga pajisjet e konsumatorëve, një praktikë për të cilën kritikët thonë se cenon privatësinë. Bloomberg raportoi për herë të parë në Prill që Amazon kishte një ekip me mijëra punëtorë në të gjithë botën që dëgjonin kërkesat e konsumatorëve në audio në Alexa me qëllim të përmirësimit të softuerit, dhe se një praktikë e ngjashme si e Facebook-ut për cenimin e të dhënave u përdor edhe nga Apple me asistentin Siri, dhe nga Google me Alphabet-in. Apple dhe Google që atëherë kanë thënë se nuk janë më të përfshirë në këtë praktikë.

Gjigandi i rrjeteve sociale, i cili sapo pagoi një gjobë prej 5 miliardë dollarësh me Komisionin Federal të Tregtisë së Sh.B.A-ve, pas një hetimi të praktikave të tij të intimitetit, ka mohuar prej kohësh se mbledh material në audio nga përdoruesit për ta përdorur atë për reklama ose për të përcaktuar se çka do të shohin njerëzit në burimet e tyre të lajmeve. Shefi Ekzekutiv Mark Zuckerberg e mohoi akuzën direkt gjatë dëshmisë në Kongres.

Facebook filloi për herë të parë të lejojë përdoruesit e Messenger-it të transkriptojnë zërin e tyre në vitin 2015. “Ne jemi gjithmonë duke punuar për ta bërë Messenger-in më të dobishëm,” ka thënë David Marcus, ekzekutivi përgjegjës për shërbimin në atë kohë, në një postim në Facebook.

Money

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale