Dëshironi të filloni një biznes? Pyetni veten pse
Përditësuar së fundmi: 14/09/2019

Dëshironi të filloni një biznes? Pyetni veten pse

Share
nga Eridon Elshani
Sht 14, 2019
-Manages Business Mag Kosovo -Studies Philosophy at University of Prishtina
lexo me teper >

Nuk është sekret. Shumica e sipërmarrësve kurrë nuk do të ndërtojnë biznese të suksesshme, pa marrë parasysh se sa rrezikojnë ata. Disa prej tyre do të ndërmarrin të njëjtat rreziqe dhe do të kenë sukses të madh. Pse?

Nga Abdo Riani, sipërmarrës

Kam zbuluar se ndryshimi midis të dyve nuk janë resurset, këmbëngulja apo mbështetja. ’Është arsyeja pse ata duan të fillojnë një startup në radhë të parë. A janë arsyet më poshtë një nga nxitësit tuaj për fillimin e një biznesi?

  1. Për të ndërtuar pasuri.

Nëse jeni energjik, një sipërmarrës me zemër dhe kërkoni të krijoni apo të rrisni pasuri, ndërtoni një biznes të vogël – jo një startup. Biznese të vogla si një restorant, kafene, hotel kanë më shumë kapacitet të japin një kthim të investimeve me parashikueshmëri më të lartë të suksesit sesa startupet.

Lexoni: Si të bëhesh milioner përpara se të jesh 30 vjeç

Lexoni: Nuk keni para për të filluar një biznes? Provoni këto 5 opsione për të financuar biznesin tuaj

Ditën kur filloni një produkt fillestar në të cilin investoni gjak, djersë dhe lot në të, gjithçka që jeni duke bërë është një hipoteze. Startup-i nuk është biznes më vete, derisa hipotezat kryesore të vërtetohen dhe të gjenerohen të ardhurat.

Me përvojën dhe mbështetjen e duhur, ju mund të ndërtoni një themel të fortë të biznesit të vogël ku biznesi funksionon me një drejtim të qartë dhe rritet në mënyrë të qëndrueshme. Sidoqoftë, nëse po drejtoni një startup, pa marrë parasysh përvojën ose burimet tuaja, një angazhim i plotë është thelbësor për suksesin e sipërmarrjes.

Lexoni: Çfarë mund të mësojmë nga sipërmarrësi i suksesshëm Jack Ma?

  1. Për të ndërtuar influencë.

Ka shumë mënyra që sipërmarrësit mund të krijojnë influencë në komunitetin, industrinë e tyre dhe në botë. Natyrisht, ndërtimi i një sipërmarrje të suksesshme që shkakton ndryshime në jetën e njerëzve është diçka fisnike, por nëse është një nga arsyet kryesore për ndërtimin e një startup-i,  zakonisht është mënyra më e keqe për të krijuar influencë.

Dëshironi të keni ndikim të vërtetë si një sipërmarrës? Përmirësoni këto 6 gjëra

Në vend të kësaj, konsideroni të bëheni një autoritet në industrinë tuaj duke shkruar përmbajtje të dobishme që do t’ju lejojë të ndërtoni dhe të rrisni një audiencë dhe një markë. Neil Patel ndërtoi një markë në të gjithë botën si një ekspert marketingu përpara se të kishte ndonjë histori suksesi fillestar me sipërmarrjet e tij Kissmetrics, Crazy Egg dhe të tjerat.

Lexoni: 5 Faktorët që ndihmojnë në rritjen e një biznesi të vogël

Si përmbledhje, startup-et janë një mënyrë e garantuar për ndërtimin e pasurisë dhe influencës vetëm nëse jeni një sipërmarrës i vërtetë. Shumë nga historitë e suksesit kanë arritur fitore të vogla me dekada, për të ndërtuar jetën e tyre e të suksesshme. Çelësi është jetëgjatësia dhe përqendrimi në prezantimin e zgjidhjeve që bëjnë një ndryshim praktik në jetën e njerëzve. Gjithçka tjetër vjen natyrshëm.

Lexoni: 7 arsye pse duhet të filloni kompaninë tuaj në të 20-at

Entrepreneur