Ekspozimi ndaj stimujve sonore ndikon në humbjen e dëgjimit në afat të shkurtër
Përdoruesit e videolojrave rrezikojnë seriozisht dëgjimin. Sipas statistikave, në vitin 2022 rezultojnë rreth 3 mld të apasionuarit pas videolojërave, dhe me kalimin e kohës dëmtohet shumë shqisa e dëgjimit, duke çuar në humbjen e tij ose në shfaqjen e problemit tjetër, që është ai i një zhurme apo fishkëllime në vesh në mënyrë të vazhdueshme.
Universiteti mjekësor i South Carolina ka zhvilluar një analizë, duke u bazuar në 14 studime nga 9 vende të ndryshme të SHBA, Evopës, Azisë dhe Australisë, duke vëzhguar të dhënat e rreth 54 mijë personave. Në këtë kampionim, deri në 60% ishin përdorues, dhe ekspozimi i vazhdueshëm ndaj stimujve sonorë për orë të tëra, është mjaft i dëmshëm, duke kaluar kufijtë e sigurisë.
Deri më sot ishte analizuar kryesisht përdorimi i vazhdueshëm i kufjeve, auricolarëve, apo sfondi i lartë nëpër lokale, dhe të gjithë konsideroheshin të dëmshëm. Listës i shtohet edhe qëndrimi përpara videolojërave, ç’ka shton edhe më shumë rrezikun e dëmtimit ose humbjes së dëgjimit në afate shumë më të shkurtra. Autorët e studimit sugjerojnë të intensifikohen fushata për të rritur ndërgjegjien qytetare përsa i përket shëndetit publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
