Huawei i përgjigjet deklaratës së Trump për ndalimin e produkteve të saj në SHBA

Pas deklaratave zyrtare nga Android dhe Google në lidhje me ndalimin e produkteve të Huawei nga qeveria e SHBA dhe si kjo do të ndikojë tek pronarët aktualë të smartfonëve Huawei, kompania kineze e telekomunikacionit dhe pajisjeve të konsumit ka publikuar një deklaratë për shtyp. Ndërsa hidhet dritë mbi detajet, ajo ofron sqarime dhe siguri. Por ka një fjalë të vetme që fuqishëm lë të kuptohet se planet e Huawei për sistemin operativ do të integrohen në pajisjet e ardhshme si Mate 30 Pro.

Lexoni: Ndalimi i produkteve të Huawei, ja çfarë do të thotë për vetë kompaninë dhe SHBA

Deklarata si më poshtë:

“Huawei ka dhënë një kontribut të konsiderueshëm në zhvillimin dhe rritjen e Android në mbarë botën. Si një nga partnerët kryesorë global të Android, ne kemi punuar ngushtë me platformën open-source për të zhvilluar një ekosistem që kanë përfituar si përdoruesit ashtu edhe industria.

Huawei do të vazhdojë të ofrojë përditësime të sigurisë dhe shërbime pas shitjes për të gjitha produktet ekzistuese Huawei si dhe për smartfonët dhe tabletët Honor, duke mbuluar ato që janë shitur dhe që janë akoma në stokun global.

Ne do të vazhdojmë të ndërtojmë një ekosistem të sigurtë dhe të qëndrueshëm të softuerit, në mënyrë që të sigurojmë përvojën më të mirë për të gjithë përdoruesit në nivel global”.

I sigurtë dhe i qëndrueshëm

Deklaratat e kombinuara të Android, Google dhe Huawei ofrojnë siguri të qartë për përdoruesit ekzistues Huawei si dhe për smartfonët dhe tabletët Honor. Në mënyrë efektive, të gjitha pajisjet ekzistuese në treg do të vazhdojnë të funksionojnë normalisht. Pajisjet e ardhshme të Huawei janë në rrezik.

Më pak se një javë më parë, drejtori ekzekutiv i Huawei, Richard Yu tha: “Ne kemi përgatitur sistemin tonë operativ, nëse nuk mund t’i përdorim më këto sisteme ekzistuese, ne do të jemi gati dhe do të kemi planin tonë B.” Yu i referohet si Android ashtu edhe Windows, pasi ndalimi do të ndikojë në mundësinë që Huawei të blejë liçencat OEM të ardhshme nga Microsoft.

Lexoni: Huawei premton një smartfon 5G sa gjysma e çmimit të rivalëve

Fjalia e fundit në deklaratën e Huawei është kritike: “një ekosistem i sigurtë dhe i qëndrueshëm i softuerit”. Megjithëse pa ndonjë detaj thelbësor, kjo tingëllon si një konfirmim se pajisjet e ardhshme Huawei do të dalin me një sistem operativ të zhvilluar in-house, me gjasatë nxitur nga Android Open Source Project.

Sigurisht, do të jetë e qëndrueshme, sepse asnjë qeveri apo entitet tjetër nuk mund të mposhtë dhe eleminojë nga tregu Huawei.

Sistemi operativ alternativ duhet të jetë dukshëm i ngjashëm më ndërfaqen e përdoruesit të saj ekzistues, por pa aplikacionet e rëndësishme si Gmail dhe Google Play që shumica e përdoruesve presin në një pajisje Android.

burimi: Forbes