Huawei premton një smartfon 5G sa gjysma e çmimit të rivalëve - Business Magazine Albania

Huawei premton një smartfon 5G sa gjysma e çmimit të rivalëve


Gjiganti kinez i telekomunikimit Huawei planifikon të shesë smartfonë 5G me gjysmën e çmimit të konkurrentëve të saj.

Në një intervistë me Financial Times të botuar të Enjten, Peter Zhou, shefi i marketingut pranë kompanisë, tha se Huawei ka në plan të sjellë këtë vit në treg smartfonë 5G për vetëm 600 dollarë. Zhou tha se po pret që ky çmim të bjerë më shumë në vitin 2020.

Lexoni: Tregu i smartfonëve – Pse Samsung dhe Apple po humbasin terren ndaj Huawei?

“Vitin tjetër, disa persona thonë se ne mund t’i shohim smartfonët 5G në 300 dollarë dhe mendoj se kjo është e mundur”, tha ai.

Ky çmim do t’i mundësojë Huwei ​​që të jetë mbi rivalët e tij, versionet e smartfonëve 5G të të cilëve thuhet se kushtojnë dyfishin e këtij çmimi. Për shembull, Galaxy s10 5G i Samsung pritet të kushtojë mbi 1.200 dollarë. Apple nuk ka njoftuar akoma se kur do të lançohet versioni i smartfonit 5G ose cili do të jetë çmimi i tij.

Vitin e kaluar, Huawei arriti Apple duke u bërë kështu krijuesi i dytë më i madh në botë për smartfonë që po përgatitet për dominim global.

Kompania ka arritur këtë sukses pavarësisht se është mbyllur nga disa tregje kryesore, duke përfshirë SHBA, Kanada dhe Australi, për shkak të shqetësimeve të sigurisë së qeverisë.

SHBA ka ndaluar përdorimin e produkteve dhe shërbimeve Huawei në agjencitë e saj federale, duke besuar se teknologjia e kompanisë mund të bëhet një ndihmë për qeverinë kineze për të spiunuar vendin.

Lexoni: Gjermania planifikon të përjashtojë Huawei nga rrjeti i ri 5G

Në përgjigje, Huawei paditi qeverinë amerikane në Shkurt.

“Kongresi amerikan ka dështuar në mënyrë të përsëritur të sjellëprova për të mbështetur kufizimet e saj për produktet Huawei. Ne jemi të detyruar të ndërmarrim këtë veprim ligjor si një mjet i duhur dhe i fundit,” tha në atë kohë Guvernatori i Huawei.

burimi: BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0