Qeveria gjermane po eksploron nëse mund të përjashtojë kompaninë kineze të teknologjisë Huawei nga infrastruktura e ardhshme mobile, për shkak të shqetësimeve lidhur me sigurinë.
Berlini po merr në konsideratë kërkesa më strikte sigurie, që mund të pengojnë përdorimin e produkteve të “Huawei”-t në rrjetet e saj 5G.
Shumë vende po punojnë për të penguar përfshirjen e kompanisë teknologjike kineze në rrjetet e tyre 5G, në lidhje me shqetësimet e sigurisë.
Kompania kineze, një nga prodhuesit më të mëdhenj në botë të pajisjeve të telekomunikacionit, është përballur me rezistencë nga qeveritë e huaja, për shkak të rrezikut se teknologjia e saj mund të shfrytëzohet për spiunazh.
Huawei shprehet se shqetësimet për sigurinë janë të pabazuara.
Huawei është në qendër të hetimeve për mashtrim dhe vjedhje të të drejtës së autorit në Amerikë, dhe tensionet janë ndezur që kur Kanadaja arrestoi zyrtarin kryesor financiar të kompanisë Meng Wanzhou në aeroportin e Vancouver më 1 dhjetor 2018 me kërkesë të autoriteteve amerikane.
Lexoni: HTC, LG, dhe Sony, në vitin 2019 do të sjellin telefona 5G
Amerika dëshiron që zonja Meng, vajza e themeluesit të Huawei, të ekstradohet për t’u përballur me akuzat për mashtrim. Ajo akuzohet se përdor një kompani filial për të anashkaluar sanksionet kundër Iranit.
SHBA, Australia dhe Zelanda e Re kanë bllokuar po ashtu kompanitë lokale të përdorin “Huawei”-n për të siguruar teknologjinë e rrjeteve 5G.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
