Gjermania duhet të ndalojë eksportin e makinave të vjetra në Europën Lindore, paralajmëroi Komisionerja Europiane e Industrisë.
Zyrtarja e BE-së ka frikë se prodhuesit e makinave në Gjermani do të kërkojnë të eksportojnë makinat e tyre nën nxitjet e planifikuara të tregtisë në vendet e Evropës Lindore, të cilat tashmë importojnë një numër të madh të makinave të përdorura nga vendet e Europës Perëndimore.
Qeveria Gjermane dhe prodhuesit e makinave në vend kanë arritur një kompromis për të ndihmuar në uljen e ndotjes nga makinat me naftë. Lëvizja vjen pasi në muajin e shkuar, një grup ambientalistësh fituan një të drejtë, e cila i lejon qytetet të largojnë makinat e vjetra me motor nafte.
Në këmbim, qeveria u kërkoi prodhuesve një ofertë me të mirë për pronarët e makinave stimuj dhe riparime hardware. Shumica shprehen se një zgjidhje do të ishte inkurajimi i pronarëve të makinave të këmbejnë modelet e vjetra të makinave me automjete më të pastra. Kjo do të sillte një rritje të shitjeve.
“Eksporti do të thotë ta çosh problemin e cilësisë së ajrit nga perëndimi në lindje,” thotë Elżbieta Bieńkowska për gazetën Tafesspiegel. “Plani i qeverisë gjermane për të ndaluar qarkullimin e këtyre automjeteve mund të rëndojë problemin,” thotë ajo.
Sipas grupit të Transportit dhe Mjedisit, vitin e kaluar, Bullgaria importoi më shumë se 100,000 makina të përdorura nga vendet e Bashkimit Europian.
“Duhet të përcaktohet qartë se çfarë ndodh me automjetet e vjetëruara dhe të dobëta,” tha Bienkowska, duke shtuar se ky ishte një problem europian jo vetëm kombëtar.
Në Rumani, të dhënat për gjysmën e parë të vitit 2018 tregojnë se tregu i makinave të përdorura nga jashtë u ul me 7% nga viti në vit. Megjithatë, vëllimi i automjeteve të importuara të regjistruara ishte pothuajse katër herë më i madh se ai i makinave të reja.
/BR
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
