Tregu i smartfonëve - Pse Samsung dhe Apple po humbasin terren ndaj Huawei? - Business Magazine Albania

Tregu i smartfonëve – Pse Samsung dhe Apple po humbasin terren ndaj Huawei?


Samsung dhe Apple gjithnjë e më shumë po humbasin pjesën e tyre të tregut të smartfonëve, sipas hulumtimeve të reja, pasi konsumatorët po lihen jashtë për shkak të çmimeve të larta që u bashkangjiten modeleve të tyre premium.

Të dhënat e tregut të lëshuara nga firma e kërkimit të teknologjisë Gartner treguan se Huawei në tregun e smartfonëve u ngjit në gati 15% në tre muajt e fundit.

Konkurrentët Samsung dhe Apple ende renditen në vendet e para në aspektin e pjesës së tregut, duke mbuluar përkatësisht rreth 17% dhe 16% të industrisë.

Lexoni: Menjëherë pas Samsung, Huawei prezanton telefonin e tij të palosshëm

Megjithatë, të dy kanë humbur pjesën e tregut në tremujorin e katërt në krahasim me vitin e kaluar, sipas shifrave. Aksionet e Apple ranë me 2%, ndërsa të Samsung me rreth 1%.

Apple me të vërtetë ka humbur terren në disa gjëra, veçanërisht kur vjen puna te tregjet në zhvillim si Kina e Madhe,” tha Anshul Gupta, drejtor i lartë hulumtues në Gartner, në një intervistë për CNBC. “Ajo që po shohim në Kinë është se lojtarët kryesorë kinezë kanë rritur ndjeshëm cilësinë e smartfonëve të tyre”.

Apple shiti 64.5 milionë njësi iPhone në tremujorin e katërt të 2018, vlerësoi Gartner. Kjo pothuajse 12% më pak nga e njëjta periudhë e një viti më parë, duke shënuar rënien më të keqe tremujore në vit në dërgesat e iPhone,

Apple ka thënë se shitjet e pakta në përgjithësi janë kryesisht për shkak të performancës së tij të ngadaltë në Kinë. Ajo tha në rezultatet e saj më të fundit se të ardhurat e iPhone kishin rënë 15% në tremujorin e parë të vitit, që CEO Tim Cook deklaroi në atë kohë se ishte rezultat i konsumatorëve “duke mbajtur iPhone e tyre pak më gjatë se në të kaluarën” dhe “faktorë makroekonomikë veçanërisht në tregjet në zhvillim”.

Smartfonët Huawei, apo Oppo dhe Vivo, kanë karakteristika që mund të gjenden në smartfonët Samsung dhe Apple, por në të njëjtën kohë çmimet janë mjaft të ulëta. Ndërsa përsa i përket iPhone të Apple dhe Galaxy të Samsung, çmimi i tyre i lartë bën që konsumatorët gjithnjë e më shumë të kthehen në pajisje më të lira, të cilat ofrojnë funksionalitete të ngjashme.

Lexoni: Gjermania planifikon të përjashtojë Huawei nga rrjeti i ri 5G

Aq më tepër që Samsung erdhi me çmimin ekstrem në lançimin e smartfonit të tij të palosshëm prej 1,980 dollarë, Galaxy Fold. Komentuesit tashmë kanë filluar të paralajmërojnë se kostoja mund të jetë shumë e shtrenjtë për të tërhequr blerësit.

Njerëzit gjithnjë e më shumë po tregojnë të njëjtën “krenari” me zotërimin e një modeli kinez ashtu siç do të bënin me një pajisje Apple apo Samsung, ndërsa lojtarët vendas rrisin vizibilitetin e markave në tregjet ndërkombëtare.

Shtypi për Huawei

Nga ana tjetër edhe Huawei nuk ka qenë pa probleme, por ato lidhen më shumë me presionin politik sesa shqetësimet mbi çmimin dhe inovacionin.

Zyrtarët e SHBA kanë ngritur shqetësime rreth potencialit për telefonat dhe pajisjet e telekomunikacionit të Huawei që do të përdoren për spiunazh në emër të inteligjencës kineze. Aleatët kanë ndaluar aksesin për pajisjet e firmës në rrjetet e tyre të gjeneratës së ardhshme 5G.

Për më tepër, zyrtari kryesor financiar i Huawei, Meng Wanzhou u arrestua në fund të vitit të kaluar në Kanada dhe tani përballet me ekstradimin në SHBA. Meng, vajza e themeluesit të Huawei Ren Zhengfei, është akuzuar për kryerjen e mashtrimeve bankare.

Lexoni: Arrestohet në Kanada kreu i financave të Huawei, pritet ekstradimi në SHBA

Kompania ka mohuar pretendimet e Washington dhe Ren kohët e fundit ka përshkruar arrestimin e vajzës së tij si “të motivuar politikisht”. Megjithatë, Gupta tha se shtypi negativ kishte pak efekt në shitjet globale të smartfonëve të Huawei.

“Ata nuk kanë shumë kërkesa që vijnë nga SHBA, veçanërisht kur bëhet fjalë për pajisjet,” tha ai. “Vëllimi i tyre ka qenë pothuajse i papërfillshëm në atë treg”.

burimi: CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0